呂蒙（粵拼：leoi5 mung4；178年—220年），字子明zi2 ming4，因為做過虎威將軍又叫「呂虎威」，汝南人，東漢末年孫權麾下名將。

呂蒙出身貧苦，冇受過教育就偷去當兵打仗，後生嗰時就跟住孫策征討山越族嘅姐夫鄧當圍剿山越，喺跟佢嗰段日子就俾鄧當嘅部下睇小，呂蒙就好嬲咁殺咗佢，之後走返去鄉下，冇幾耐佢就自首。孫策見佢非泛泛之輩，所以就恕佢嘅罪，重收佢做手下，擔任侍衛。

幾年後鄧當死咗，孫策嘅重臣張昭就推薦呂蒙頂鄧當個位，任別部司馬。

之後俾孫策細佬孫權提拔，同蔣欽俾孫權勸學，熟讀群書，知識叻過好多文人儒者，有「士別三日，刮目相看」嗰故事，識處理人事，有國士之風，智勇雙全，魯肅死咗之後同孫皎分任左右都督。佢幫孫權打咗唔少地方，抗過曹操攻擊，用心理戰術拐走咗關羽攞荊州，令孫權國力大增，冇耐病逝，後世被睇成名將，同周瑜、魯肅同陸遜合稱四大都督。

1. 用計打敗關羽、再搶返荊州（219）
2. 斬咗陳就（208）
3. 討伐廬陵一帶賊兵（208）
4. 同周瑜、程普喺烏林西破曹操（208）
5. 長沙、桂陽二郡一舉而下（215）
6. 圍剿山越（193）

• 吳下阿蒙
• 士別三日
• 刮目相看
• 君憂臣死

一開始同陸遜、徐盛等被孫權招賢成為手下，冇講佢做過孫策小兵同勸學嘅故仔。佢攞返荊州之後俾關羽追魂索命，七孔流血致死嘅傳說。