臺灣地區，又叫臺澎金馬地區，簡稱臺澎金馬，《中華民國憲法（中文：中華民國憲法）》叫自由地區，係指而家中華民國政府可以有效實施統治嘅地區^[1]。自1955年失守浙江省嘅大陳島（中文：大陳島）之後，「臺灣地區」覆蓋範圍主要包括臺灣島（同附近嘅島，包括綠島、蘭嶼）、澎湖群島、金門群島、馬祖列島（所以叫「臺澎金馬」），重有東沙群島同南沙群島嘅太平島同中洲島^[2][3]，總陸地面積36,188平方公里，2007年9月人口2292萬人。「臺灣地區」同而家中華人民共和國實際控制嘅「中國大陸地區」相對。

目前中華民國政府對於表示佢哋嘅有效統治領土嘅用詞不一，但以使用「臺灣地區」為主：

• 臺灣地區 - 主要用喺《兩岸人民關係條例（中文：臺灣地區與大陸地區人民關係條例）》等兩岸關係相關法律。
• 臺澎金馬（地區） - 部分政府文件使用。主要用喺表示中華民國現有統治範圍嘅場合。^[4]
• 臺閩地區 - 主要喺政府嘅統計刊物中使用，使用情形同「臺澎金馬」類似。喺統計刊物中，臺灣地區僅指臺灣本島同澎湖群島。^[5]
• 自由地區 - 最早出現喺《動員戡亂時期臨時條款（中文：動員戡亂時期臨時條款）》，相對於由中國共產黨所佔領嘅「淪陷地區」。1991年《動員戡亂時期臨時條款》廢止後所實施嘅《中華民國憲法增修條文》^[6]沿用，指中華民國政府目前嘅治權範圍，相對於「大陸地區」同埋疆域內中國共產黨統治區域以外唔係屬於中華民國政府嘅統治區域。

• 臺灣地區有6個直轄市、13個縣、3個市，由人民直選首長同議會。

睇 傾 改 中華民國臺灣地區政區
首都：臺北市
6直轄市	臺北市 新北市（2010年改制） 桃園市 臺中市 臺南市 高雄市
2省（虛級化1）	臺灣省 3省轄市 基隆市 新竹市 嘉義市 11縣 宜蘭縣 | 新竹縣 | 苗栗縣 | 彰化縣 | 南投縣 | 雲林縣 | 嘉義縣 | 屏東縣 | 臺東縣 | 花蓮縣 | 澎湖縣 福建省 2縣 金門縣 連江縣
呢個模記錄咗中華民國臺灣地區（臺澎金馬）嘅行政區劃。對於行政區劃嘅邊境地區，包括大陸地區，即係南京國民政府嘅行政區劃。 1根據中華民國憲法規定，喪失地方政府嘅機能已改組做行政院（中央政府）。