印度起碼響五十萬年前就有人住。 印度有文字記錄嘅歷史就可以追溯到公元前3300年嘅印度河文明。文明滅亡後，雅利安人開始進佔印度次大陸，發展出吠陀文化。

前6世紀，波斯第一帝國大流士一世征服過印度河平原，到前4世紀再畀馬其頓王國嘅亞歷山大大帝再次征服，無耐印度建立自己頭一個王朝孔雀王朝，之後歷經巽伽王朝、甘華王朝、百乘王朝、貴霜王朝、笈多王朝、波羅王朝等王朝。

11世紀伊斯蘭入侵印度，建立德里蘇丹國，到16世紀畀蒙古嘅蒙兀兒汗國取代。差唔多同一時間，歐洲嘅殖民者陸續去到印度建立據點，當中以17世紀頭成立嘅大英帝國東印度公司勢力最大，逐漸控制住成個印度次大陸，1858年正式建立英屬印度。

第一次世界大戰後，英屬印度已經開始醞釀獨立運動。第二次世界大戰後，大英帝國元氣大傷，無辦法繼續維持英屬印度嘅統治，安排印巴分治，建立印度同巴基斯坦（包括孟加拉國前身嘅東巴基斯坦）兩個獨立國。

  呢篇印度史係一篇關於歷史嘅楔位文章。你可以編輯呢一版嚟充實內容。