南印度 South India
地區
地理上屬於南印度嘅五個邦（中文：印度的邦和中央直辖区#邦）同兩個聯邦屬地（中文：中央直辖区）嘅位置
國家	印度
邦（中文：印度的邦和中央直辖区#邦）	卡納塔克邦 泰倫加納邦 安德拉邦 基拉拉邦 泰米爾納德邦 本地治里 拉克沙群島
大城市 （2020）	清奈 班加羅爾 海得拉巴 維沙卡帕特南 戈茨（中文：科契） 哥欽巴陀（中文：哥印拜陀） 茨番登（中文：特里凡得琅） 馬杜賴（中文：马杜赖） 費乍亞哇達（中文：维杰亚瓦达） 戈哲戈特（中文：科泽科德） 邁梭（中文：迈索尔） 迪魯支拉布利（中文：蒂魯吉拉帕利） 沙林（中文：塞勒姆 (印度)） 迭里蘇（中文：德里久爾）
面積
• 總計	635,780 平方公里（245,480 平方英里）
人口（                ）
• 總計	253,051,953
居民稱謂（中文：区域居民称谓词）	South Indian Dravidian Andhraite Kannadiga Malayalee Laccadivian Pondicherrian Tamilian Telanganite
時區	IST（中文：印度標準時間）（UTC+5:30）
官方語言	英文（通用語） [1] 泰盧固文 泰米爾文 卡納達文 馬拉也林文

南印度，又叫印度南部，簡稱南印，係指印度半島南部地區，包括印度安德拉邦、卡納塔克邦、基拉拉邦、泰米爾納德邦四個邦同埋拉克沙群島、本地治里兩個聯邦屬地，佔印度國土約莫五分之一。南印度主要係達羅毗荼人或者佢哋撈北印度雅利安人嘅混血；講達羅毗荼語系啲語言，其中比較有名嘅係淡米語、泰盧固語之類。

南印度嘸同時期長期存在有三隻大國：波陀耶國、朱羅國、遮羅國。其中朱羅國以喺印度洋、南洋商貿上嘅影響力而出名，喺宋朝《嶺外代答》裏頭又喊做「注輦國」（中古漢：Cjyoh lienx）^[2]；而遮羅國控制住南印度西海岸。啲大國之外仲有「故臨國」^[3]，亦即係而今嘅故臨城（Kollam），係十一二世紀印度洋嘅海貿中心之一。

南印度經濟喺印度平均水平之上。當地資訊產業、製造業興盛，班加羅爾、清奈、海得拉巴、哥印拜陀、維沙卡帕特南同提盧灣安他普藍係喺印度嘅主要資訊技術中心，其中班加羅爾有印度矽谷之稱，而清奈因爲汽車產業而有亞洲底特律之名。

啲人信印度教，但唔同於印度教傳統上對於海洋嘅恐懼同埋禁忌，南印度啲人有悠久嘅航海、商貿歷史，好早就趁南亞季風曳遊喺印度洋上同阿剌伯人、東南亞地區做生意。