北京地鐵10號綫（簡化字：北京地铁10号线）係北京地鐵嘅地鐵綫路，2008年7月19號通車，屬環線，長57.1公里，總共45個站。佢既係北京地鐵第二條環線，又係北京地鐵兩環當中嘅外環綫。

地鐵開通初期唔屬環綫，凈開咗從巴溝站到勁松站嗰橛。後嚟2012年12月30號分別將兩邊繼續延長到西局站同首經貿站為止，凈低嘅泥洼同豐臺兩站喺2013年5月5號開通先至形成個閉合大環。

佢既係世界上最長兼站點最多嘅地鐵環綫，又係世界第四長嘅地鐵綫。