勵德邨（Lai Tak Tsuen）係香港房屋協會轄下嘅一個老牌公共屋邨，嚮香港大坑蓮花宮山，大坑道東面。勵德邨有8座，第1至第4座有27層，分開單雙數座，外型係圓柱體，而第5至第8座有28層，每座有17個單位，外型為長方體。大部份嘅單位可以睇到維多利亞港景色，係一個景觀非常好嘅公共屋邨。

1969年1月，房協宣佈嚮大坑起廉租屋邨，同時由徙置事務處安排受影響嘅木屋區居民搬入徙置區。本來預算嚮1972年起好嘅勵德邨，但係由於地勢，平整地盤工程受阻，加上起緊嗰時冧山泥，搞到條邨遲咗三年起好，1975年第一橦樓先至落成。

條邨係房協第二個自資起嘅屋邨。成條邨有三幢大廈（由八組大廈組成），分兩期起，分別係第一期嘅邨榮樓，嚮1975年5月起好。第二期嘅勵潔樓同埋德全樓，嚮1976年初起好。

條邨一共有2,000幾個單位，但係得1,600幾個接受公開申請，皆因房協保留一啲單位畀舊屋邨（好似明華大廈A座同埋漁光村嘅擠迫戶）用嚟調遷。

條邨落成嗰時好出名，因為勵德邨係當年廉租屋邨之中租金最貴嘅，而且勵潔樓同埋德全樓嚮當時，甚至而家，都係香港唯一嘅圓筒形廉租屋大廈。

勵德邨取名自香港前工務司鄔勵德（Michael Wright）。勵德邨共分三幢，「勵潔樓」、「德全樓」同埋「邨榮樓」。

勵德邨曾經大修，現時嘅外貌可以媲美私人屋苑，加上交通方便，有巴士以及小巴到門前，又近購物熱點銅鑼灣，以及香港中央圖書館等。勵德邨嘅鄰居都係大坑嘅豪宅居民，嚮名校網內。

港島巴士

• 23B 寶馬山 ↔ 柏道／羅便臣道（只限平日朝早繁忙時間提供服務，星期日及公眾假期唔開）
• 25A 灣仔會展 ↺ 寶馬山
• 26 勵德邨 ↺ 荷李活道
• 41A 華富中 ↔ 北角碼頭
• 81 興華邨 ↔ 勵德邨
• 81A 興華邨 ↔ 勵德邨（只限平日繁忙時間提供服務，公眾假期及學校假期唔開）

過海隧道巴士

• 108 啟業邨 ↔ 寶馬山

綠色公共小巴

• 21A 蘭芳道 ↔ 勵德邨，經：銅鑼灣
• 25 寶馬山 ↔ 百德新街，經：勵德邨

• 停車場

勵德邨自設露天戶外停車場，由威信泊車收費經營。

• 虎豹別墅 (香港)
• 渣甸山名門

維基同享有多媒體嘅嘢：
Lai Tak Tsuen

• 香港地方：勵德邨

呢篇勵德邨係香港建築嘅楔位文章，重未完成嘅。麻煩你幫手補充佢嘅內容。