刑偵日記
《刑偵日記》（英文：Murder Diary），係香港電視廣播有限公司同優酷合拍同製作嘅時裝驚慄電視劇，以美劇形式拍攝，由惠英紅、王浩信、姜皓文、袁偉豪、黃智雯、黎諾懿同王敏奕領銜主演，並由戴祖儀、陳煒、菊梓喬、連詩雅同馬貫東聯合演出，編審朱鏡祺同劉小群，監製關樹明。[1]
呢套劇喺2020年5月頭開拍，同年8月尾煞科。2021年6月15號8:00pm喺優酷、myTV Gold、TVB Anywhere 同 Astro GO首播；6月28號起9:30pm喺翡翠台播出；7月19號-22號起因為播奧運而延遲到10:00pm播出；7月23號起延遲到10:15pm播出。宣傳口號係「年度心寒之作」。
呢套劇係2020年香港國際影視展十一部推介劇集之一同2021無綫節目巡禮十四部劇集之一。
故仔大綱
[編輯]呢套劇圍繞唔同心理病患者，講述一段段意想不到、笑中有淚、懸疑驚慄嘅故事。人與人之間嘅相遇，總有原因，唔係恩賜，就係教訓......
楊碧芯（惠英紅飾）飽受精神分裂困擾，差啲害咗自己個仔葉勁峰（王浩信飾）。勁峰驚嚇過度，竟然解離出體弱但係窩心嘅次人格——朱璣。朱璣苦讀成筆跡同心理剖繪專家，幫身手了得嘅勁峰成為快活臥底，仲將一個犯罪集團連根拔起。
不過，接踵而至嘅奇案竟然令勁峰成為殺人疑犯，亦令到細妹葉朗晴（戴祖儀飾）受到驚嚇而失常。碧芯當年留低子女不顧而去，為咗補償同贖罪，屈就做病院助理去保護個女，但係同勁峰心結難解......
雙重人格嘅勁峰，被啱啱醫好躁鬱症嘅「刑偵之父」聶山（姜皓文飾）賞識，招攬加入特案組，同精神科醫生韋睿傑（袁偉豪飾）、拆彈警花游雁星（黃智雯飾）、法醫人類學家方菀芊（王敏奕飾）一齊惡鬥種種心理偏差嘅高智慧罪犯，偵破多單驚慄懸案。
演員表
[編輯]主要演員
[編輯]| 演員 | 角色 | 暱稱／關係 |
| 惠英紅 | 楊碧芯 | 精神病院助理 有精神分裂 葉勁峰、葉朗晴嘅媽媽 |
| 王浩信 | ||
| 葉勁峰 （主人格） |
勁峰 重案組臥底警員／特案組組員 有多重人格 楊碧芯嘅仔 葉朗晴嘅哥哥 江政勳嘅下屬兼被佢針對 同方菀芊有感情線 | |
| 朱 璣 （次人格） |
筆跡專家／犯罪心理學家／小說作家／特案組專家顧問 韋睿傑嘅好朋友，之後反面 對游雁星情深一片，同佢有一段虐戀 江政勳嘅情敵兼被佢針對 | |
| Matt （原人格） |
14歲嘅葉勁峰，沉睡咗十七年 海藍失散多年嘅好朋友 | |
| 姜皓文 | 聶 山 | 聶Sir 重案組警司／特案組負責人，有「刑偵之父」嘅美譽 梁日思嘅老公，因為佢嘅失蹤而一度有躁鬱症 江政勳嘅上司，同佢亦敵亦友 |
| 袁偉豪 | 韋睿傑 | Dr. Wai、韋醫生 精神科醫生／犯罪心理學家／特案組專家顧問 朱璣嘅好朋友，之後反面 葉朗晴嘅心理醫生兼暗戀對象 |
| 黃智雯 | 游雁星 | Madam 星、雁星 爆炸品處理課炸彈處理主任兼「Number One」拆彈員／高級督察／特案組組員 江政勳嘅女朋友，之後分手 同朱璣有一段虐戀 |
| 黎諾懿 | 江政勳 | 江Sir 重案組總督察／特案組負責人 聶山嘅下屬，同佢亦敵亦友 葉勁峰嘅上司兼針對佢 游雁星嘅男朋友，之後分手，但係對佢念念不忘 朱璣嘅情敵兼針對佢 |
| 王敏奕 | 方菀芊 | 菀芊 法醫人類學家／特案組專家顧問 張曉蔓嘅師妹 同葉勁峰有感情線 |
其他演員
[編輯]| 演員 | 角色 | 暱稱／關係 |
| 戴祖儀 | 葉朗晴 | 朗晴 大學生 楊碧芯嘅女 葉勁峰嘅細妹 因為受驚精神失常而要住精神病院 韋睿傑嘅心理病人兼暗戀佢 |
| 陳 煒 | 梁日思 | 聶山嘅亡妻 |
| 菊梓喬 | 海 藍 | 小說網站編輯 Matt嘅失散多年嘅好朋友 |
| 連詩雅 | 張曉蔓 | Dr. Cheung 法醫人類學家／法醫昆蟲學家 方菀芊嘅師姐 |
| 馬貫東 | 姜耀坤 | 阿坤 重案組警員／特案組組員 江政勳嘅下屬 |
攷
[編輯]Text is available under the CC BY-SA 4.0 license; additional terms may apply.
Images, videos and audio are available under their respective licenses.
Cover photo is available under {{::mainImage.info.license.name || 'Unknown'}} license.
Cover photo is available under {{::mainImage.info.license.name || 'Unknown'}} license.
Credit:
(see original file).
