出木杉英才
出木杉 英才（早期香港又譯王聰明、太郎、彬仔）係藤子·F·不二雄嘅科幻漫畫《多啦A夢》同佢嘅動畫嘅登場人物之一。
出木杉喺日文有「出眾，第一」嘅意思，日文「出来過ぎ」同「出来杉」都同「出木杉」嘅讀法一模一樣，都係「できすぎ」，而「出来過ぎ」譯成粵文就係指「好掂，太好啦」。
簡介
[編輯]出木杉喺4月出世。佢為人友善，亦好識煮餸，好受女仔（包括靜香在內）歡迎，亦深得老師嘅歡心。佢係大雄嗰班嘅班長，係班中嘅高材生，唔單只成績卓越，幾乎每次測驗都係滿分，係全班第一，連體育都掂，成日幫胖虎嘅棒球隊扭轉敗局。佢有想要嘅嘢，唔會依賴父母，而且會同其他嘅細路做上門導師賺錢。佢亦都睇漫畫、玩遊戲，重識變魔術。
佢可以話係一位極少缺點嘅少年。對預言之類嘅嘢都能夠搵到合乎常理嘅破解方法。
可以去未來世界睇下係佢嘅理想，呢個理想喺大雄嘅幫助下得以實現。此外，佢亦曾經同大雄同埋多啦美一齊去白堊紀時代。
性格
[編輯]佢性格非常好，對任何人都很和善，佢仲可以原諒曾經整古自己嘅人，佢心胸寬大，連大雄自己也承認出木杉比佢勁好多。由於佢喺作品出場大多時候都係同靜香一齊，因此被大雄當成情敵，但係出木杉本人對大雄並無競爭嘅意思。雖然佢無追求靜香嘅舉動，但佢亦鍾意靜香。佢每次測驗都係滿分，老師成日讚佢，佢仲成日同人一齊温書。當有人有唔識嘅話，佢一定會教人。喺無嘢做嗰陣，佢成日同大雄佢哋一齊玩棒球同冒險。
嗜好有：
同他人嘅交流
[編輯]同靜香嘅關係非常好，成日同靜香一齊出去玩、睇書或寫生，甚至同靜香互相交換日記。
但係除咗靜香，喺故事度同其他主要角色（多啦A夢、小夫、大雄等）嘅交流久唔久都有，佢雖然受異性歡迎，但係好少睇到佢同靜香以外嘅異性互動，不過受到邀請時佢唔介意加入大雄或者其他同學嘅活動。同胖虎嘅關係中，因為體能同個性都好，佢好少會被胖虎蝦，不過收到胖虎武斷嘅命令都會不得不遵守，例如《稅金鳥事件》同《胖虎演唱會》等。
喺《大雄的結婚前夜》中同胖虎、大雄、小夫等一齊慶祝飲酒，喺40卷《奪回靜香》嘅婚後相處嚟睇，出木杉同大雄等人嘅關係喺成人後會有所改善。係第44卷《夏威夷越來越近了》中曾經講佢夢想係去火星同月球，最後實現咗呢個夢想。
家族
[編輯]父母嘅詳細情況不明，佢老竇只出場過一次，媽媽無出過場，老竇淨係因為用咗多啦A夢嘅工具「定時傻瓜彈」而發出過「嘻嘻哈哈」嘅怪聲。曾經因為老竇調職而要搬去美國，但係最後無實現。佢養咗一隻狗做寵物，佢隻狗非常強壯，曾經喺比賽攞到冠軍，連胖虎都對佢隻狗謙讓三分。
將來
[編輯]大個咗嘅出木杉體格亦變得更強壯。被派到火星工作。因為去火星工作而將佢個仔交托畀大雄，由此睇嚟長大後都同大雄有密切嘅交流。佢老婆係金髪嘅白人。佢個仔叫出木杉 華安。
對故事嘅影響
[編輯]喺書籍《ド・ラ・カルト》入面記述，喺出木杉登場以前，多啦A夢係以「為了能讓大雄的未來變得幸福」而嚟。但喺出木杉出場之後，多啦A夢出場嘅目的變成「使現在的大雄可能可以改變未來」，多啦A夢演變為以保護大雄為主。因為出木杉嘅登場令大雄嘅未來充滿不確定性。呢個敘述喺單行本上都有。
名嘅變化
[編輯]當初，喺單行本第22卷《稅金鳥》中出木杉係以「太郎」嘅名登場。喺第23卷《透視貼紙大危機》中，明信片嘅收件人名變成「出木杉英才」。而喺新版嘅稅金鳥故仔，「太郎」被修正做「英才」。
出木杉喺1979年9月號《多啦A夢同多啦美》故事首次登場，但當時個名重係「太郎」。
喺2006年5月25號播放嘅電視動畫版，出木杉個名曾經被用來猜謎，正確嘅答案係「英才」。
另外，有好多讀者將佢個名誤記為「出來過」、「出來杉」，漫畫亦有「出來杉」呢個錯誤。日文「出来過ぎ」同「出来杉」同「出木杉」嘅唸法一模一樣，都係「できすぎ」，而出木杉譯成中文就係指「讀書好叻，考第一」嘅意思。
喺電影中嘅出場
[編輯]喺電影《大雄的恐龍》嘅劇本嘅草稿入面出現，同多啦A夢等五人一齊喺一億年前嘅世界進行大冒險。但喺最後製作完成嘅電影入面佢並無出現。佢日後實際登場嘅幾套電影中主要係擔任知識解說（例如煙鬼森林《大雄的大魔境》、魔法《大雄的魔界大冒險》、電影特效《大雄的宇宙小戰爭》、新品種植物《大雄與動物行星》、鳥人傳説《大雄與翼之勇者》）而無參與大雄等人嘅冒險計畫。
有佢嘅集數同電影
[編輯]- 第22卷《稅金鳥》
- 第23卷《透視貼紙大作戰》
- 第27卷《人腦圖書封套》
- 第30卷《半夜裏的電話惡魔》
- 第31卷《試著說一回再見》
- 第34卷《時間飛速流逝》
- 第36卷《大預言·地球滅亡之日》
- 第36卷《包租籌碼》
- 第40卷《大雄的建國用具》
- 第37卷《蛋殼裡的靜香》
- 第40卷《把靜香搶回來》
- 第41卷《定時傻瓜彈》
- 第3卷《想要厲害的寵物》
- 第5卷《出木杉睡着大作戰》
- 第8卷《讀書大比拼》
- 第9卷《簡易特別錄影機》
- 第10卷《天才出木杉》
- 第13卷《出木杉的火箭》
- 《大雄與出木杉》（出木杉係主角）
- 《大雄的新讀書方法》（出木杉係主角）
- 《大雄與火行星》（出木杉係主角）
- 《大雄的大魔境》（出木杉喺開頭出現一陣，唔係主角）
- 《大雄的魔界大冒險》（出木杉喺開頭出現一陣，唔係主角）
- 【大雄的大魔境（出木杉喺開頭出現一陣，唔係主角）
- 【大雄的魔界大冒險】（出木杉喺開頭出現一陣，唔係主角）
- 【大雄的宇宙小戰爭】（出木杉喺開頭出現一陣，唔係主角）
- 【大雄與動物行星】（出木杉喺開頭出現一陣，唔係主角）
- 【大雄與翼之勇者】（出木杉喺開頭出現一陣，唔係主角）
- 【7年後的煩惱】
- 【半夜裏的電話惡魔】
- 【定時傻瓜彈】
- 【天才出木杉】
- 【稅金鳥】
- 【天才出木杉的火箭計畫】
- 【出木杉睡着大作戰】
參考
[編輯]- 《多啦A夢經典角色解說大全書》（藤子.F.不二雄 原作 /磯保裕介 作畫 /梁錦鴻 譯/ISBN: 9628786210/香港青文出版社 喺2003年 出版）
- 《多啦A夢角色解說--出木杉英才》（藤子.F.不二雄 原作 /磯保裕介 作畫 /陳華龍譯/ISBN: 9625686741/香港青文出版社 喺2007年 出版）
- 《多啦A夢書籍目錄》（藤子.F.不二雄 原作 /磯保裕介 作畫 /何勝譯/ISBN: 9925786872/香港青文出版社 喺2013年 出版）
Text is available under the CC BY-SA 4.0 license; additional terms may apply.
Images, videos and audio are available under their respective licenses.
