李㼅
出生日	1785年3月21號
出生地	仁川
死亡日	1841年11月2號  （56歲）
死因	病
國籍	大朝鮮國
職業	政治人
仔女	李昪
阿爸	李裀
[改維基數據]
睇 傾 改

李㼅（韓文：이광，1785年3月21號—1841年11月2號），字昌康（韓文：창강），初名海東（韓文：해동），廟號叫全溪君或者全溪大院君（韓文：전계대원군），係大朝鮮國嘅王族成員。

李㼅係：第21位國王英祖李昑嘅庶曾孫、李愃嘅庶孫、李裀嘅庶六仔、常溪君李湛嘅半細佬、同埋第25位王哲宗李元範嘅親生爸爸。

李㼅喺1785年3月21號喺江華島出世。雖然佢係王族成員，但係其他人都當佢係平民咁，所以佢係喺農民嘅家庭出世。

佢嘅原名係李快得，後尾改咗做李海東，跟住先再改做李㼅。

佢係李裀嘅婚外仔之一，而佢唯一嘅親生阿哥好早就過咗身。佢嘅半阿哥李湛係李裀正統嘅仔，之後成為咗李祘嘅領養仔，亦曾經短期做過王位嘅繼承人。

喺1801年，媽媽宋常山同埋阿嫂申平山因為違反國教儒教信咗羅馬天主教，所以佢哋同埋爸爸李裀一齊承受死刑。

李㼅作為李裀嘅仔，雖然冇受刑，但係都去咗江華島流放，做返農民。不過，佢喺1822年畀國王李玜大特赦，返咗去首爾^[1]。

喺1841年11月2號，李㼅喺佢屋企有病過身，享年56歲。

到1849年，第24位國王憲宗李烉過身，但係因為佢冇任何仔女，所以斷咗家族條繼承線。之後，李㼅嘅庶三仔李元範成功繼位，成為咗第25位國王。喺李元範上位之後，佢對佢爸爸李㼅做死後榮譽，封佢做“全溪大院君”。

李㼅最初葬咗喺楊州郡，喺佢爸爸李裀嘅墓附近。之後，又移葬咗去驪州。喺佢嘅庶三仔李元範上位做咗國王之後，再安葬喺抱川郡，一直到依家。