九龍坑（Kau Lung Hang），香港一地，屬大埔區，喺大窩之東，介乎和合石同大埔之間。有村兩條，九龍坑老圍，同埋九龍坑新圍，東面係九龍坑山，南面有大窩村。西過火車路，有南華莆，亦可以去泰亨。

九廣鐵路同粉嶺公路，雖則經過九龍坑，然而無路出入口同車站。搭車靠大窩東支路同橋頭路，亦可以踩單車去粉嶺、康樂園等地。上九龍坑山要靠九龍坑山路，路口喺村口。

九龍坑山有涌流過九龍坑，坑即係涌。水最終出深圳河入后海灣。有尼龍壩閘水落隧道，水入船灣淡水湖。