Noôrd-Korea is 'n land in Azië, d'n 'ôodstad is Pyongyang en d'n leider is Kim Jong Un. Het land telt ruum twintig meljoen mênsen. Noôrd-Korea is 't land dat 't meêste uutgeeft an defensie, 't ei een groôt leger. Noôrd-Korea ist leste echt communistische land ter waereld. Tot 1950 was 't een land bie Zuud-Korea. Nae de Koreaonse oorlog (weerbie 2-3 meljoen mênsen omkwamme) ist land verdeêld in een communistisch noor'n en een kapitalistisch zuujen. Noôrd-Korea wier gesteund deu China en de Sovjetunie, mar nae de val van het iesdere gerdien trok het z'n eige trug. In de jaeren '90 waere d'r zelfs 'ongernoôd'n. Christenen en aorsdienkende wiere en worre vervolgd. Intussen ontwikkelende 't land z'n eige kernwaepens, waer-a dan weer deu het Westen sancties wiere op'eleid. Vee Noôrd-Koreanen probere het land te verlaeten, mar de overied treed deer 'ard tegenop. Toch weune d'r alleêne al in China zo'n 250.000 vluchteliengen uut het land.

Noôrd-Korea grenst an Zuud-Korea en China en voe een klein stikje an Rusland. Het klimaot is gemaetigd, mar in de bergen en in 't noor'n kan 't goed koud worre in de winter. D'r valt dan ok vee sneeuw in de noôrdelijke provincies.

• Officiële website van het staespersbureau KCNA
• Website van de Korean Friendship Association die nauwe banden eit mie de overeid
• Lan'nstudie Noôrd-Korea van het US Library of Congress
• Noôrd-Korea: economisch nieuws en analyse