Jozias van Aartsen
Jozias van Aartsen (D'n Aegt, 25 december 1947) is 'n Nederlandse voormaelige amtenaer en politicus vò de VVD.
Van Aartsen was van 1985 toet 1994 secretaoris-generael van 't ministerie van Binn'nlandse Zaeken, van 1994 toet 1998 minister van Landbouw, Natuurbehier en Visserie in 't kabinet-Kok I en van 1998 toet 2002 minister van Butenlandse Zaeken in 't kabinet-Kok II.
Um was Twidde Kaemerlid in 1998 en van 2002 toet 2006. Van 2003 toet 2006 was um ok fraoctieveuzitter en van 2004 toet 2006 eveneêns partijleider.
Van 2008 toet 2017 was um burgemeêster van D'n Aegt, in 2017 waernemend Commissaoris van de Konienk in Drenthe en van 2017 toet 2018 waernemend burgemeêster van Amsterdam.
Van Aartsen ei Zeêuwse wortels. Um is getrouwd en de zeune van ARP-politicus en voormaelig Commissaoris van de Konienginne van Zeêland Jan van Aartsen.
Lienks nae buten
[bewerk | brontekst bewerken]Text is available under the CC BY-SA 4.0 license; additional terms may apply.
Images, videos and audio are available under their respective licenses.
