უილიამ ჯეიმსი
| უილიამ ჯეიმსი | |
| ინგლ. William James | |
 უილიამ ჯეიმსი 1903 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მარაშინათუთა 26, 1910 (68 წანერი) |
| ღურაშ აბანი: |
ტამუორტი, ნიუ-ჰემპშირი, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯოხოშინელი მოგურაფეეფი: |
ედუინ ჰოულტი |
უილიამ ჯეიმსი (ინგლ. William James; დ. 11 ღურთუთა, 1842, ნიუ-იორკი, ააშ — ღ. 26 მარაშინათუთა, 1910, ტამუორტი, ნიუ-ჰემპშირი, ააშ) — ამერიკალი ფილოსოფოსი, ფსიქოლოგი დო ისტორიკოსი. მერჩქინელი რე XIX ოშწანურაშ ამერიკაშ ართ-ართ უდიდაშ ფილოსოფოსო. შინელი რე მუჭოთ "ამერიკული ფსიქოლოგიაშ მუმა".
უილიამ ჯეიმსიქ, ჩარლზ სანდერს პირსიწკჷმა ართო დარსხუ ფილოსოფიური სკოლა, ნამუსჷთ პრაგმატიზმის უძახუნა. თაშნეშე, ჯეიმსი ითვალუ ფუნქციონალიზმიშ ართ-ართ დუმარსხუაფალო. თაშნეშე, ჯეიმსიქ მიშეღჷ კაბეტი თია ფილოსოფიური პერსპექტივა რადიკალური ემპირიზმიშ გოვითარაფაშა.
ამერიკაშ ფსიქოლოგიური ასოციაციაშ ომენცარე ჟურნალიშ Review of General Psychology-იშ ანალიზით, ნამუქჷთ გიმიბჟინუ 2002 წანას, ჯეიმსის უკინებუდჷ მავითაანთხა აბანი მაეჩა ოშწანურაშ გიშარჩქინელი ფსიქოლოგეფს შქას. ამერიკაშ რეცენზირებული ომენცარე ჟურნალიშ American Psychologist-იშ 1991 წანაშ ანალიზით, ჯეიმსის უკინებჷ მაჟირა აბანი ექსპერიმენტული ფსიქოლოგიაშ დუმარსხუაფალი ვილჰელმ ვუნდტიშ უკული.
უილიამ ჯეიმსიშ მენცარული რკვიებეფქ დიდი გოლინა იღვენუ უკულიანი პერიოდიშ ფილოსოფოსეფიშ დო ინტელექტუალეფიშ ემილ დიურკჰაიმიშ, უილიამ ედვარდ ბერგჰარდტ დიუბოისიშ, ედმუნდ ჰუსერლიშ, ბერტრან რასელიშ, ლუდვიგ ვიტგენშტაინიშ, ჰილარი პატნემიშ, რიჩარდ რორტიშ დო მერილინ რობინსონიშ არზუანობაშა.
უილიამ ჯეიმსიქ დებადჷ ამერიკალი თეოლოგიშ ჰენრი ჯეიმსიშ ფანიას. გურაფულენდჷ მედიცინას ჰარვარდიშ უნივერსიტეტის, სოდეთ მიპალუ მედიცინაშ დოქტორიშ ხარისხი. გურაფაშ თებაშ უკულ ოგურუანდჷ ანატომიას, ჰარვარდიშ უნივერსიტეტის. უკულიანი პერიოდეფს დეინტერესჷ ფილოსოფიათ დო ფსიქოლოგიათ. ჯეიმსიშ ნაჭარეფი ორხველჷ შხვადოშხვა თემეფს, ეპისტემოლოგიას, გონათაფას, მეტაფიზიკას, ფსიქოლოგიას, რელიგიას, მისტიციზმის დო შხვა ოკითხეფს. ჯეიმსიშ წინგი "ფსიქოლოგიაშ პრინციპეფი" (1890) რე ფუნდამენტური დო მონუმენტური ოხემანჯღვერე ფსიქოლოგიაშ დისციპლინას. თიში შხვა ნახანდეფიშე ეიოშინალი რე "რადიკალური ემპირიზმიშ ესეეფი", ნამუთ ართ-ართი შანულამი ნახანდი რე ფილოსოფიას.
უილიამ ჯეიმსიშ ჯიმა რდჷ შინელი ამერიკალი ჭარუ დო ლიტერატურული კრიტიკოსი ჰენრი ჯეიმსი.
რესურსეფი ინტერნეტის
[რედაქტირაფა | წყუშ რედაქტირაფა]- უილიამ ჯეიმსიშ ჯარალუა
- უილიამ ჯეიმსი ენციკლოპედია ბრიტანიკას
- ჯეიმსიშ ბიოგრაფია Information Philosopher-ის
- უილიამ ჯეიმსი სტენფორდიშ ფილოსოფიურ ენციკლოპედიას
- ნახანდეფი პროექტი გუტენბერგის
- ნახანდეფი LibriVox-ის (აუდიოწინგეფიშ ოჯარალე დომეინი)
- უილიამ ჯეიმსი — Find a Grave-ს
Text is available under the CC BY-SA 4.0 license; additional terms may apply.
Images, videos and audio are available under their respective licenses.
