ნჯამენა ფრანგ. N’Djamena არაბ. نجامينا‎‎ ფაილი:Chad,N'djamena2.JPG გერბი ქიანა  ჩადიჩადი სტატუსი ნანანოღა კოორდ. 12.116389,15.07222212°06′59″ ოორ. გ. 15°04′20″ ელ. გ. /  დირსხუ 1900 ფართობი 100 კმ² ცენტრიშ სიმაღალა 299 მ მახორობა 951 418 კოჩი (2009) მეჭედალა 9514,18 კოჩი/კმ² ბორჯიშ ორტყაფუ UTC+1 ტელ. კოდი 235 ნჯამენა ნჯამენა ვიკიოწკარუეს

ნჯამენა (ფრანგ. N’Djamena; არაბ. نجامينا‎‎) — ჩადიშ ნანანოღა დო უკაბეტაში ნოღა. 2009 წანაშ მუნაჩემეფით, ნოღაშ მახორობა 951 418 ადამიერს აკმადგინანდჷ.^[1] წყარმალუ შარიშ, თიში დო წყარმალუ ლაგონეშ ნადუშ გოხოლუას აკოგაფილი ონიშოლი, ნამუთ კამერუნიშ ნოღა კუსერიშ სააწმარენჯოთ იდვალუაფუ. თე ეკონია დო ნჯამენა ართიანწკჷმა ხინჯით რე მერსხილი. ხერეჭუაშ თარი დარგეფი რე ხორციშ, ჩხომიშ დო ბამბეშ წარმაფა. ომენოღალე კონფლიქტეფიშ უმკუჯინალო, ნჯამენა ჩადიშ ეკონომიკური აქტივობაშ ცენტრო სქიდუ.

ნოღა 1900 წანას დარსხუეს ფრანგი კოლონიზატორეფქ დო თის გჷმირინუანდეს, მუჭოთ ოურდუმე გიოპონჷ პუნქტის ფორტ-ლამიშ ჯოხოდვალათ (თე მომენტშახ ბურჯაფის ღურელი ფრანგი მადუდეშ ფრანსუა-ჟოზეფ-ამედე ლამიშ პატიოცემელო). 1904 წანაშე თინა მიშმეშჷ საფრანგეთიშ კოლონია უბანგი-შარიშ შემადგენლობაშა. 1910 წანას, ნოღა უკვე საფრანგეთიშ ეკვატორულ აფრიკაშ დორხველუას რდჷ. 1958 წანაშე 1960 წანაშახ ფორტ-ლამი რდჷ ჩადიშ ავტონომიური რესპუბლიკაშ ნანანოღა, 1960 წანაშ უკული ზოხორინელი ჩადიშ რესპუბლიკაშ ნანანოღათ გჷნირთჷ. ნოღაშ თეხანური ჯოხოდვალა გჷმირინუაფჷ 1973 წანაშე.

2006 წანაშ 13 პირელს გოართოიანაფილ ფრონტიქ დემოკრატიული თირუეფშო ჯარქ ეცადჷ ნოღაშ დაჸუნალა, მარა დემარცხჷ ნჯამენაშკ ბურჯაფიშ მალობაშ ბორჯის^[2]. 2008 წანაშ 2 ფურთუთას, აშონთებულეფიშ ნძალეფქ ხეახალო ქეშეცადეს ნოღაშ დოჸუნა, მარა 2 დღაშ უკული აძულებულქ იჸუეს უკახალე დუკინუდესკონ^[3]. ასეშო ნოღას რე თეხანური ევროპული აკოგაფაშ მორჩილი მუდანობაშ ქუაშ ნოდგჷმეფი, მარა ნანანოღაშ დგჷმილეფი თარ მასას აკმადგინანს ქოხეფი დო დიხაჭაბუშე აკოგაფილი ჸუდეეფი.

ნჯამენა იდვალუაფჷ ქიანაშ ობჟათე-ბჟადალ ნორთის, წყარმალუ შარიშ მარძგვან წყარპიჯის, თიწკჷმა წყარმალი ლოგონიშ ინოკათაფაშ აბანიშ გოხოლუას, ზუღაშ დონეშე 299 მეტრ სიმაღალას^[4]. ნოღაშ ტერიტორია ძალამ ჭყენჭყამი აბანს იდვალუაფჷ.

• Map of N'Djamena
• Best travel guide Archived 2008-09-08 ვებ-ხასჷლას Wayback Machine.
• Photo 1 Photo 2 Photo 3
• ნჯამენა, ტურისტული მანჯღვერე Wikivoyage-ს

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.

1. ↑ მახორობაშ 2009 წანაშ ეჭარუა (Census-2009)
2. ↑ BBC: UN condemns rebel attack in Chad
3. ↑ Rebels clash with Chadian forces inside capital (February 2, 2008).
4. ↑ N'Djamena, Chad Page. Fallingrain Global Gazetteer. კითხირიშ თარიღი: 2013-12-28.