ლაციო
| |
გერბი
|
შილა
|
| ქიანა |  იტალია
|
| სტატუსი | რეგიონი |
| მიშმურს | 4 მუნიციპალიტეტი |
| ფორჷნს | 378 კომუნა |
| ადმინ. ცენტრი | რომი |
| შხუ ნოღა | რომი |
| შხუ ნოღეფი | ლატინა, ფროზინონე, ვიტერბო, რიეტი |
| დორსხუაფაშ თარიღი | 1948 |
| მადუდე | პრეზიდენტი: ნიკოლა ზინგარეტი |
| მახორობა (2019) | 5 867 097 |
| მეჭედალა | 340,47 კოჩი/კმ² |
| ფართობი | 17 232,29 კმ² |
| სიმაღალა ზუღაშ დონეშე - უმაღალაშ ჭურჭული |
416 მ |
| |
| ბორჯიშ ორტყაფუ | UTC+1 |
| კოდი ISO 3166-2 | IT-62 |
| ოფიციალური ვებ-ხასჷლა | |
|
Lazio |
ლაციო (იტალ. Lazio; ლათ. Latium) — რეგიონი ცენტრალური იტალიაშ ბჟადალ ნორთის, ნამუთ წჷმარინუანს ჯვეში ლათინეფიშ ოკვირდეშ არანს ჯვ.წ. X ოშწანურაშე. რომაალეფი ოხორანდეს ჯვ.წ. IV ოშწანურაშე. დოხოლაფირო 5,7 მლნ მახორუთ დო 170 მლრდ ედპ-თ, ლაციო ქიანაშ მასუმა არძაშე დოხორელი დო მაჟირა არძაშე დინდარი რეგიონი რე, ნამუთ იკათუანს რომს, იტალიაშ ნანანოღას დო უდიდაშ ნოღას.
გეოგრაფია
[რედაქტირაფა | წყუშ რედაქტირაფა]
ლაციოშ ფართობი 17 236 კმ² რე დო უხურგანს ქიანაშ შხვა რეგიონეფი: ტოსკანა, უმბრია დო მარკე — ოორუეშე, აბრუცი დო მოლიზე — ბჟაეიოლშე, კამპანია — ობჟათეშე, ბჟადალშე — ტირენიაშ ზუღა. რეგიონიშ რელიეფი თარო რზენი დო ბექ-ზუგამი რე, მორჩილი გვალამი არანეფით ბჟაეიოლ დო ობჟათე რაიონეფს.
ლაციოშ წყარპიჯიშ ღოზი თარო ქვიშამი პლაჟეფშე აკმოდირთჷ. რეგიონიშ ობჟათე წყარპიჯიშ მანგას იდვალუაფჷ პონციანიშ კოკეფი, ნამუეფით ადმინისტრაციულო ლაციოშ აკოდგინალუაშა მიშმურს. ოორუეშე, წყარპოიჯიშ ღოზიშ მელე, გჷნოზინდილი რე მარემაშ წყარპიჯიშ ზენი, ნამუთ კომუნა ჩივიტავეკიაწკჷმა ტოლფიშ გვალეფით (616 მ) ითებჷ. რეგიონიშ ცენტრალური ნორთის იკენს რომიშ კამპანაშ (იტალ. campagna romana) — 2 100 კმ² ფართობიშ ფირჩა ალუვიურ ვეს, ნამუთ ნანანოღა რომს მუკი-მუკი ომძღჷ. რეგიონიშ ობჟათეშ რაიონეფი იხასიათებჷ აგრო-პონტინოშ ზენეფით, ნამუეფჷთ ართ ბორჯის ჭყენჭყამი დო მალარიაშ გოფაჩუაშ არანი რდჷ, ნამუთ ოშწანურეფიშ გოძვენას წყარს გემდოუღეს.
ადმინისტრაციული დორთუალა
[რედაქტირაფა | წყუშ რედაქტირაფა]
ლაციოშ რეგიონი ადმინისტრაციულო 5 პროვინციათ ირთჷ:
| პროვინცია | ფართობი (კმ²) | მახორობა | მეჭედალა (ადამ./კმ²-ის) |
|---|---|---|---|
| ფროზინონე | 3,244 | 496,545 | 153.1 |
| ლატინა | 2,251 | 543,844 | 241.4 |
| რიეტი | 2,749 | 158,545 | 57.7 |
| რომი | 5,352 | 4,097,085 | 765.5 |
| ვიტერბო | 3,612 | 314,690 | 87.1 |
თაშნეშე ქოძირით
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- ოფიციალური ვებ-ხასჷლა (იტალიური)
- რეგიონიშ ოფიციალური ტურისტული ვებ-ხასჷლა
- Sito ufficiale del Consiglio Regionale del Lazio
- Parchi del Lazio
| |||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
