კომიქსი
კომიქსი (ინგლ. Comics) — ვიზუალური ხელუანობაშ ფორმა, ნამუთ აკმოდირთჷ ამნახანტეფიშ დო ტექსტიშ (დიალოგური ბუშტეფიშ ვარდა ტიტრეფიშ სახეთ) კომბინაციაშე.
დუდშე გჷმირინუაფუდჷ კარიკატურეფიშ ილუსტრაციაშო დო ეიორთუაფალო ოძიცე დო ტრივიალური ისტორიეფით, მორო უკულ-უკული თიქ გიძინჷ დო ლიტერატურულ ფორმათ გინირთჷ მიარე გიმენჟანრეფით.
კომიქსეფიშ მაწარმაფალი ჟირი თარი კომპანია რე — Marvel Comics დო DC კომიქსეფი, ნამუეფით ართიანს სერიოზულ კონკურენციას უმანგარანა. 2016 წანაშ მუნაჩამეფით, DC Comics დო თიში თარი აწმარენჯი Marvel, ამერიკული კომიქსეფიშ ბაზარიშ 70%-ის იკენა.[1]
Marvel Comics კომიქსეფიშ გჷშმაშქუმალარი კომპანია, ნამუთ Marvel Entertainment-იშ რენ. (უოლტ დისნეიშ კომპანიაშ სქუალაფირი).[2][3]
Marvel-იშ გერგეზეფს შქას რე კაპიტანი ამერიკა, ფანტასტიკური ოთხული, ჰალკი, რკინაშ კოჩი, ბორბოლია-კოჩი, იქს-ადამიერეფი დო შხვეფი. ათე გერგეზეფიშ უმენტაშობა ართ რეალობას რენა, ნამუშათ Marvel Universe-ი (მარველიშ მოსოფელი) უჯოხონა. ათე კომიქსეფიშ წინგიშ გიშაშქუმალა 1939 წანას დიჭყჷ დო თიში ჯოხო Timely Comics რდჷ, 1950 წანაშო Atlas Comics ჯოხოდჷ.
Marvel-იშ დორსხუაფაშე, 1961 წანაშე მოჸუნელი, ფანტასტიკური ოთხულიშ დო ბრელი შხვა სუპერგერგეზიშ აკმაქიმინალეფი რენა: სტენ ლი, ჯეკ კირბი, სტივ დიტკო დო შხვეფი. Marvel-ი წორას თიმწკჷმა იჸუ ამერიკას ართ–ართი შხუ კომიქსეფიშ კომპანიაქ, DC Comics-წკჷმა ართო.
DC Comics (დირსხჷ 1934 წანას, მუჭოთ National Allied Publications) — რე ართ-ართი არძაშე პოპულარული დო ჩინებული კომიქსეფიშ გჷშმაშქუმალარი მარველ კომიქსეფიშ უკული. გიშმაშქვაფალი 1969 წანას იჸიდჷ კომპანიაქ Warner Bros. Pictures
DC კომიქსეფიშ არძაშე ჩინებული გერგეზეფი რენა: სუპერმენი, ბეტმენი, სარკო ოსური, ფლეში, წვანე ოსინთე დო სამართალიანობაშ ლიგა. ინიციალი „DC“ იქიმინჷ ათე კომპანიაშ პოპულარული სერიაშ დეტექტიური კომიქსეფიშ მეჯინათ (Detective Comics) დო მალას კომპანიაშ ოფიციალური ჯოხოთ გინირთჷ.
ლიტერატურა
[რედაქტირაფა | წყუშ რედაქტირაფა]- (2010) Comics and the City: Urban Space in Print, Picture, and Sequence. Continuum International Publishing Group. ISBN 978-0-8264-4019-8.
- Alaniz, José (2010). Komiks: Comic Art in Russia. University Press of Mississippi. ISBN 978-1-60473-366-2.
- Barker, Martin (1989). Comics: Ideology, Power, and the Critics. Manchester University Press. ISBN 978-0-7190-2589-1.
- Beaty, Bart (2007). Unpopular Culture: Transforming the European Comic Book in The 1990s. University of Toronto Press. ISBN 978-0-8020-9412-4.
რესურსები ინტერნეტში
[რედაქტირაფა | წყუშ რედაქტირაფა]
შეგილებუნა ქოძირათ მედიაფაილეფი თემაშე „კომიქსი“ ვიკიოწკარუეს.- კომიქსი საიტის DMOZ
- კომიქსეფიშ მუნაჩამეფიშ ბაზა
სქოლიო
[რედაქტირაფა | წყუშ რედაქტირაფა]- ↑ DC Comics Humiliates Marvel With August 2016 Marketshare, As Diamond Sets A Record Month Of Sales. კითხირიშ თარიღი: 18 ეკენია, 2016.
- ↑ “Disney to acquire Marvel Entertainment for $4B“, MarketWatch.com. კითხირიშ თარიღი: 31 მარაშინათუთა, 2009. დოარქივაფილი რე ორიგინალშე 8 ივანობა, 2011-ს.
- ↑ Donley, Michelle (31 ქირსეთუთა, 2009). Marvel Shareholders OK Disney Acquisition. MarketWatch.com. დოარქივაფილი რე ორიგინალშე 2 გ, 2014, გერგობათუთა-ს.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
