გენიტალური ჰერპესი
| გენიტალური ჰერპესი | ||
|---|---|---|
 | ||
| გენიტალური ჰერპესი ვულვას |
გენიტალური ჰერპესი — სასქესე ორგანოეფიშ (გენიტალიეფიშ) უკაჭული ჰერპესვირუსიშ (HSV) ინფექცია.[1] ადამიერეფიშ უმენტაშობას სიმპტომეფი ქექას უღჷ ვარ-და შუროთ ვაუღჷ, ომანგეთ, თინეფს ვა უჩქჷნა, ნამჷ-და დოინფიცირაფილი რენან. დო სიმპტომეფქ გეგმორჩქინდუ-და, თინეფი, რჩქვანელობურო, გუთმორჩქინდუ მორჩილი ბუშტუკეფით, ნამუეფიშ სოფუა მაჭვებელი ჭყოლეფს გუთმარჩქინანს. შილებე თაშნეშე მუკორჩქინდას გრიპიშობურ სიმპტომეფით, სამანგათ სინჩხეთ, ჸუნგა ჭუათ ვარ-და მოძინელი ლიმფური ნოსქვეფით. ლახარა დოინფიცირაფაშე დოხოლაფირო 4 დღაშა ირჩქინანს დუდს, სიმპტომეფი — მეხოლაფირო 4 მარაშ გოძვენას იგჷნძორებუ.[1]
ლახარა თარო ბონი გენიტალური კონტაქტით იფაჩჷ დოინფიცირაფილ ადამიერიშ კანშა ვარ-და რსხულშა სითხეეფიშ წაწაფით. თექ შილებე მოხვადას სექსიშ ბორჯის, თინეფს შქას ანალური დო ორალური სექსიშ ბორჯის. გინოდვალაშო უციო ვა რე ჭყოლეფიშ ღვენა. HSV ჟირი ტიპიშ რე: HSV-1 დო HSV-2. მართალი რე, ისტორიულო HSV-2 უმოსო მოდვალირი რდჷ, მარა გოვითარაფილ ქიანეფს გენიტალური HSV-1 უმოსი შხირი რე.[1]
ინფექციაშ პრევენციაშ რზეფს შქას რე სექსიშ უღვენალა, პრეზერვატივიშ გჷმორინაფა დო სექსიშ ღვენა ხვალე თინეფწკჷმა, ნამუეფჷთ ინფიცირაფილი ვარენან. დოინფიცირაფაშ უკული ჰერპესვირუსიშე სქილადაშ რზა ვა რე.[2] თეშ უმკუჯინალო, ანტივირუსულ მედიკამენტეფქ შილებე ეცილას ვარ-და დურკას უკულიანი ინფექციაშ გოუფრაშაფეფს. მედიკამენტეფიშ განწეხანიან გჷმორინაფაქ თაშნეშე შილებე დურკას გოფაჩუაშ რისკის.[1]
რესურსეფი ინტერნეტის
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ 1.0 1.1 1.2 1.3 (2012-03-27) Sexually transmitted diseases. Chichester, West Sussex: John Wiley & Sons, Ltd., 139 ხს.. ISBN 9781118314975.
- ↑ STD Facts – Genital Herpes (2017-12-11). კითხირიშ თარიღი: 30 October 2018.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
