Li sidje di Damasse al deujhinme croejhåde, c' esteut li såme decidé pol deujhinme croejhåde å concile d' Åke. C' esteut e moes d' djulete e 1148.

I fjhît corwêye, et awè stî el croejhåde po des biokes (po des pronnes).

Les rwès crustins (Croejhîs et årmêye di Djeruzalem) arivît divant Damasse avou des colones di chamôs poirtant leus bagaedjes.

Les disfindeus del veye les vont ataker å lon, mins sins les poleur fé stater.

Li dimegne 25 di djulete, on s’ bata tote li djournêye. Al nute, les Damaskîs dmorît so les murayes. Les Croejhîs estént veyåves, divant zels.

Li londi 26, a Bijhe, la des wachlires di cavlîs trouks, cûdes ey arabes k’ arivnut å scours des assidjîs. Pol londmwin, on anonce l’ arivêye di l’ årmêye d’ Alepe da Nordine Mawmoude, eyet l’ cene di Mossoul di s’ fré Saifeddine.

I va evoyî deus letes diferinnes. Ene ås Croejhîs, l’ ôte ås princes catolikes di Palestene.

Ås prumîs, i dit k’ i va dner l’ veye a Norddine.

Ås deujhinmes, i dit k’ el va dner a Sayfeddine, et k’ après, i lzî va rprinde leus principåtés.

Norddine va eto abriber sacwants hôt-plaecîs des crustins por zels atourner Conråde a candjî d’ plaece, eyet ndaler å Levant d’ Damasse, tot passant dins les cortis, griblés d’ francs tireus.

Li londi al nute, si volant ratropler, i s’ ritrovèt dins on plin sins pont d’ pousse ni d’ rivire po poujhî a l’ aiwe. I sont si disbåtchîs k’ i n’ sondjnut nén ddja a rataker, mins a dårer evoye po schaper leu pea. Li mårdi å matén, i recornut eviè Djeruzalem.

Gn a nén ddja yeu cwate djoûs d’ batreye divant l’ coraedje-evoye.

Les Almands ervont so Bizance, et did la viè leu payis.