Èn inseke, c' est ene biesse, sins cronzoxhs, k' a shijh pates (dj' ô bén: troes pwaires, årvier des araegnides, k' end ont ût).

Il ont deus u cwate aiyes (ene u deus pwaires).

Si coir est fwait d' bokets: li tiesse, li cofe, li vinte.

I s' mopliynut tot ponant des oûs. Bråmint did zels ni discloynut nén tot dnant li mwaisse inseke, mins diferinnès cognes di wayimaedje, come les halenes et les påpåds-lôlôs.

Les nos e walon di bråmint des insekes ki vicnut el Walonreye ont stî studyîs dins l' ALW 8 (on mete li limero del notule).

• insekes sins aiyes (apterigote)
  • pexhon d' årdjint (Lepisma saccharina)
• foixhtreces (dermaptere)
  • foixhete (Forficula auricularia) (notule 150)
• droetès-aiyes (ortopteres)
  • biesse di for (Blatella germanica) (notule 149)
  • les potchas
    • cok d' awousse (Tettigonia viridissima) (notule 148)
    • crikion (notule 146) (Grillidae)
      • tchantrê (Acheta domesticus)
    • potcha pelrin (Schistocerca gregaria).
• damjheles et monsieus (odonates) (notule 154).
  • damjheles (zigopteres).
  • monsieus (anizoptere).
    • mårtea d' diåle (Aeschna grandis)
• waermayreces (éphéméroptères)
  • waermaye (Ephemera vulgata) (notule 155).
• coûtè-aiyes (hémipteres)
  • wandion (Cimex lectularius) (notule 145).
  • scoirpion d' aiwe (Nepa cinerea).
  • araegne d' aiwe (Gerris najas).
  • passeu d' aiwe (Hydrometra stagnorum)
  • levrin ås naivurons (Notonecta glauca).
  • emîleures (pucerons) (notule 151).
    • plokion do rôzî (Macrosyphum rosae).
• pûs broyeu (anoploures)
  • pû del tiesse (Pediculis capitis) (notule 151).
  • peyon (Phthirus spp.) (notule 153).
• pûs suceus d' sonk.
• schaerbotreces (coleyopteres)
  • trawe-pî (Dytiscus marginalis) (notule 153).
  • vier gayet (Lampyris noctyluca) (notule 131).
  • biesse å Bon Diu (Coccinella septempunctata) (notule 130).
  • biesse di boledjî (Tenebrio molitor)
  • baloujhe (Melolontha melolontha) (notule 127).
  • xherfon (Geotrupe stercorarius) (notule 127) (racsegnes e walon)
  • calande des grins (Sitophilus granarius) (notule 126).
  • scolite des sapins
  • scolite des faws
  • schaerbote di farene (Tenebrio molitor)
• copixhes
  • copixhe marxhå
• moxhe al låme
• moxhes
  • moxhe di måjhon (Musca domestica, sôre di diptere)
  • moxhe al tchår
  • moxhe a stron (Scatophaga stercoraria)
• cuzén (Tipula sp. sôre di diptere).

...

• picron (Culicidae)

I gn a so les cmons Wikipedia des imådjes ou fitchîs son a vey avou les insekes .