On bouxhon, c' est ene lignixheuse plante, k' abohnêye do côp k' ele rexhe di tere, et fé ene peclêye di montants ki polnut divni foirt deurs (coignoûlî), u dmorer djusse coriants (djiniesse).

Les bouxhons n' ont don pont d' buk.

Si les montants sont droets, i fwaiynut çou k' on lome ene bohêye (on dit eto : on topet, ene hourêye), come li côrî.

Les bouxhons n' sont don nén si hôts k' les åbes. On lzès rescontere purade ås orires des bwès. Ubén dins les taeyes u les grands bwès waire sipès (dins les suberetes, metans). Les håyes sont sovint fwaites avou des bouxhons.

Les plaeces la k' i gn a k' des bouxhons, on dit on bouxhnisse.

Gn a eto des bouxhons ki sont-st ahivés dins les cortis.

Li mot bouxhon et ses parints aparexhe eto mo sovint dins les nos d' plaeces del Walonreye.

• côrî
• coignoûlî
• sint-bwès
• djiniesse
  • djiniesse ås spenes