On betchfessî scrijha^[1] u diyasistinme ortografike^[2], c' est on scrijha ki rprezinte on son u on foninme k' est prononcî foirt diferin totavå les accints d' on lingaedje nén co rfondou.

Eto, ci son u ci foninme la, serè scrît di dpus d' ene manire si on s' sieve d' ene ortografeye fonetike.

Dins ene ortografeye ortografeye rifondowe, li son u l' foninme est todi scrît pareye.

Les betchfessîs scrijhas sont-st eployîs purade dins les lingaedjes ki s' ont rfondou å 20inme sieke, et k' ont on grand dispårdaedje djeyografike di leus pårlers, et nole grande veye metowe å corin do payis. Gn a, metans, e walon, occitan, burton, pweturlin (c' est l' ortografeye a betchfessîs scrijhas do burton et do pweturlin k' a dné l' idêye d' eployî cisse tecnike la pol walon).

• Li betchfessî å
• Li betchfessî ae
• Li betchfessî ai
• Li betchfessî ea
• Li betchfessî én
• Li betchfessî ey
• Li betchfessî jh
• Li betchfessî ô
• Li betchfessî oe
• Li betchfessî oen
• Li betchfessî oi
• Li betchfessî oy
• Li betchfessî sch
• Li betchfessî sh
• Li betchfessî xh

Dilé les ricnoxhous betchfessîs scrijhas, gn a eto sacwantès letes ki rotèt come des betchfessîs, sins nd aveur li no. Nos les lomrans les cåzu-betchfessîs.

Les prumîs betchfessîs (såf oe, oi et sh) ont stî prezintés pa Laurent Hendschel å no del tåvlotêye rifondaedje di l' UCW å raploû d' Mårcinele di 1996, sins rescontrer d' l' adire emey les cis k' estént la.^[3]

Bråmint des betcfessîs scrijhas sont dedja diferincyîs e vî walon.

• Pondants et djondants so les betchfessîs scrijhas e walon

1. ↑ noûmot do walon, atåvlé diviè 1995, alomåcion k' a aspité do viebe «betchfessî».
2. ↑ noûmot eternåcionå askepyî e1954.
3. ↑ (fr) Quelle planification linguistique pour le wallon?, Commission "langue" de l' UCW, Actes du colloque international de Charleroi du 23 mars 1996, Union Culturelle Wallonne, Liège, sans date, pp 3-21.