Een rakel of reefe is ee stik tuungereedschap da gebruikt kan wordn voer een dêel van den hof dat al grof effn ligt fynder nog meer 't effenn. Doby kant er ook e bladrakel gebruukt wordnn gelyk een sôorte buster voe gevolln bloaren of ofgemooid gras van de pelouze gazon te vagen. Er bestoat ôok een hooivorke, die gebruukt wordt voe gras en ooi tegoare te rakeln.

Er zyn verschillnde sôorten rakels, rakels met dinne tandn die dichte by mallekoar zittn of grove tandn die verre uut mallelkoar stoan. Die rakel wordt ôok wêl ee klauwe genoemd.

Ee rakel of klauwe kan ook in de platse van een [egge gebruukt wordn by 't zooien. Vó 't zooien deur in de groend klêene vortjes te makn en achter 't zooien voe die vortjes were toe te makn. Os de groend achter 't zooien wordt toegelopen ka je met den achterkant van de rakel de groend wêere e bitjie losmakn, wodeure dat de groend minder rap uutdrôogt.

Voe de dôo bloaren en gemooid gras wordt olsang mêer een bladblaozer gebruukt. 't Lawaai dorvan is een bron van colère voe d' omgevienge. De rakel is e stil en gôed materioal voer en pelouze zoender bloaren.

Er bestoat ôok een handhooirakel, wovan dat de tandn mêestal van oet gemakt zyn. Die rakel wier vroeger gebruukt voe het wiéssen ( van't ooi. Tegenwordig zyn de rakels gemakt van plastiek. Er zyn nog boern die de rakel gebruukn voe 't gras tegoare te rakeln woorby da ze nie met under machien'n kunn'n gerakn.

Ofbeeldiengn die ier by passn ku je vien in de categorie Rakes van Wikimedia Commons.