Vänd om hamakahan, produktivitoman radmižen toižend, konz motiv om ei rezul'tatas, no ičesaze processas. Mugažo «vänd»-termin kävutase kaluiden vai programiden keradusen znamoičendale, kudambad oma märitud ningoižen radmižen täht.

Vändradmine om ristitun psihižiden funkcijoiden šingotesen ühteks päižikš formišpäi, tundištusen todesiženke mirunke mahtuz. Harakterizuiše toštmižen tendencijanke, abutab sada tarbhaižid refleksoid elon täht.

Vändon tundused da tärtused: materialižiden satusiden olmatomuz, südäiolend i süžet, takaind, ohjandimed, tegendad, irdpol'žen meton sabutand, vändon abutused, risk i liža vändajan täht^[1].

Vändon päkomponentad: kuviteldud meles situacii, vändajiden rolid i todenzoitajad niid vändtegod, realižiden kaluiden simvoline vändkävutand, realižed kosketused vändajiden keskes.

• forman mödhe: laudvändod, azartvändod, likundvändod, sportvändod, rol'vändod, lapsiden vändod, kompjuterižed vändod, čellendž.
• südäiolendan mödhe: tedonandajad vändod, muzikvänd, azjaližed vändod, sportvändod, sodavändod.

• Eile vändod — eile bobašt.
• Ezmäi rad, eskai vänd.
• Habaine om pä, ei vända nimidä.
• Kut tal'jank vändab, muga kargnik-ki kargaidab.
• Ni tutul, ni vätul. (eile muga i eile ninga)

• Penes järvudes lahnad vätas. (kürzad rehtläl)

1. ↑ Šmakov S. A. Глава 3. Природа и структура игры (Lugo 3. Vändon londuz i struktur) // Игры учащихся — феномен культуры (Openikoiden vändod — kul'turan fenomen). — M.: Novaja škola, 1994. — 240 lp. (ven.) ISBN 5-7301-0064-7.

• Karjalan televizijan Tal'ven vändod — Veroiden tedolang-oigenduz youtube.com-saital. (veps.) (+ venäkel'žed subtitrad)

Vänd Vikiaitas