Muravlenko
Муравленко

Lidnanznam	Flag
Valdkund	Venäma
Eläjiden lugu (2021)	28,233 ristitud
Pämez'	Jelena Moldovan (reduku 2020—)
Telefonkod	+7−34 938-xx-xxx
Avtokod	89
Aigvö	UTC+5 (MSK+2)

Muravlenko (ven.: Муравле́нко, tot. i ukr.: Муравленко) om Venäman lidn da lidnümbrik Jamalan Nenciden avtonomižen ümbrikon suves. Se om ümbärtud Puran rajonan territorijal.

Sauvoškanzihe eländpunktad generaližen planan mödhe vl 1982 keskuseks otmaha kävutamižhe kivivoin Muravlenkon löudmižsijiden gruppad Päivlaskmaižes Sibiriš, sidä kesken järed Sutorminan, oli avaitud vn 1975 elokus. Registriruihe žilod vl 1984 1600 eläjanke, nimitihe Muravlenkovskii nevondkundaližen Viktor Muravlenko-ohjandajan kanzannimen mödhe, hän radoi kivivoin sarakon kaikiš suremban «Glavtümen'neftegaz»-edheotandan pämehen vll 1965−1977 surmhasai. Žilo sai lidnan statusad vl 1990 nügüdläiženke nimenke.

Muravlenko šingotase kivivoin samižel («Gazprom neft'»), Muravlenkon kivivoin gazan ümbriradmižen tegimel («SiburTümen'Gaz»), torviden da niiden armaturan «Stroineftegazmaš»-tegimel, leibänedheotandal.

Lidn sijadase Päkupur-jogen basseinas (Puran hura joginišk), 120 m ü.m.t. keskmäižel korktusel. Matkad Salehardhasai om 479 km lodeheze orhal vai 1020 km avtotedme. Lähembaine lidn om Nojabr'sk 80 km suvipäivnouzmha orhal vai 125 km avtol. Lähembaine raudtestancii sijadase Hanimei-žilos 71 km päivnouzmha avtotedme.

Muravlenko om lidnümbrikon üks'jäižeks eländpunktaks.

Vn 2010 kaiken Venäman rahvahanlugemižen mödhe lidnan eläjiden lugu oli 33 391 ristitud. Kaik 32 540 eläjad oli lidnas vl 2017. Kaikiš suremb lidnan ristitišt oli 37 256 eläjad vl 2009.

Rahvahad (enamba 1 % vl 2010): venälaižed — 58,1 %, ukrainalaižed — 12,1 %, totarlaižed — 9,7 %, azerbaidžanlaižed — 4,1 %, baškiralaižed — 3,8 %, vaugedvenälaižed — 2,1 %, čuvašalaižed — 1,0 %, toižed rahvahad — 9,1 %.

Ortodoksižen hristanuskondan Spasan Toižetamižen jumalanpert'^[1] om saudud vll 1996−2001. Islaman mečet' om sätud vspäi 2006.

Muravlenkon äiprofil'ne kolledž^[2] om lidnan professionaližen opendusen aluzkundaks.

Municipaližen ühtnikan pämez' om sen Administracijan pämez'. Edeline lidnan pämez' om Aleksandr Podoroga (semendku 2012 — sügüz'ku 2020).

• 
  Äiprofil'ne licei (2012)
• 
  Sündun Toižetamižen jumalanpert', vn 2013 nägu
• 
  Islaman «Nur»-pühäpert', vn 2013 nägu
• 
  «Gazpromneft'-Muravlenko»-palakundan kontor Leninan-irdal
• 
  «Sberbank:an» palakund vl 2013

1. ↑ Muravlenkon pühäpertid sobory.ru-saital. (ven.)
2. ↑ Muravlenkon äiprofil'žen kolledžan sait (mmkolledge.ru). (ven.)

• Municipaližen «Muravlenko-lidn»-ühtnikan tobmuden oficialine sait (muravlenko.yanao.ru). (ven.)

Muravlenko Vikiaitas