Kurganinsk
Lidnanznam
|
Flag
|
| Valdkund | Venäma |
| Eläjiden lugu (2023) | 46,393 ristitud |
| Pind | 43,97 km² |
| |
| Pämez' | Vasilii Rudenko (tal'vku 2015—) |
| Telefonkod | +7−86 147-xx-xxx |
| Avtokod | 23, 93, 123 |
| Aigvö | UTC+3 (MSK+0) |
Kurganinsk (ven.: Курга́нинск, armen.: Կուրգանինսկ Kurganinsk) om Venäman lidn Krasnodaran randan päivnouzmas. Se om Kurganinskan rajonan administrativine keskuz.
Istorii
[vajehta | vajehtada lähtetekst]Eländpunktan aluz om pandud Kubanin kozakoil vl 1853 kuti Kurgannai-stanic (ven.: Курганная), nimitihe käpiden (ven. курган) äjüden ümbrištos tagut. Stanic sai lidnan statusad vn 1961 14. päiväl vilukud.
Kurganinsk šingotase sömtegimišton keskuseks sijaližel torhudel (saharantegim, söndtavaroiden kombinat, villänpurnud, lihalindunkombinat[1]), mugažo lehtraudpakuitesen tegim radab, betonan i savičun tegimed, raudten sauvondedheotandad oma saudud Kurganinskas. Lidn eli läbi sur'vedes vl 2002.
Geografijan andmused
[vajehta | vajehtada lähtetekst]Lidn sijadase rajonan päivlaskmaiženno röunanno, Lab-jogen oiktal randal (ven.: Лаба 214 km pitte, Kuban'-jogen hurapol'ne bassein), 165 m ü.m.t. keskmäižel korktusel, Kavkazan ezimägištonno.
Adigei sijadase jogen vastrandal, matkad Krasnodarhasai om 150 km päivlaskmha. Lähembaižed lidnad oma Armavir 40 km päivnouzmha orhal vai raudtedme i Labinsk 27 km suvhe orhal vai kaikil teil. Kurgannai-raudtestancii om olmas «Armavir — Tuapse»-keskustal vspäi 1915, se radab passažiroiden i jüguiden täht.
Tobmuz
[vajehta | vajehtada lähtetekst]Krasnoje Pöud-žilo (ven.: Красное Поле, 737 rist. vl 2010) i Joudjuz-futor (ven.: Свобода, 640 rist. vl 2010) mülüdas lidnankundha Kurganinskan ližaks. Lidnankundan pind om 203,29 km².
Lidnankundan tobmuden pämez' om sen Administracijan pämez'. Lidnan Nevondkundan ezimez' om Leonid Pletnev vn 2014 redukuspäi.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 47 970 ristitud, lidnankundan — 49 347 ristitud, rajonan läz pol't. Vn 2021 rahvahanlugemižen mödhe lidnan ristitišt oli 47 305 eläjad. Vl 2017 kaik 48 964 ristitud elihe lidnas i 50 162 ristitud kaikes lidnankundas. Kaikiš suremb lidnan ristitišt oli 50 800 eläjad vl 2001, lidnankundan — 50 515 eläjad vl 2015.
Rahvahad (enamba 1 % vl 2010): venälaižed — 85,8 %, armenijalaižed — 9,6 %, ukrainalaižed — 1,3 %, toižed rahvahad — 2,6 %, rahvahuden ozutandata — 0,7 %.
Ortodoksižen hristanuskondan kaks' pühäpertid[2] oma väges lidnas: Sündun Voznesenjan jumalanpert' (letihe vll 1906−1916) i phh. Pedroin da Pauloin jumalanpert' (2003).
Kaik viž keskškolad anttas keskopendust. Kurganinskan agrariž-tehnologine tehnikum[3] om lidnan professionaližen opendusen aluzkundaks.
Homaičendad
[vajehta | vajehtada lähtetekst]- ↑ Kurganinskan lihalindunkombinatan sait (kurmpk.ru). (ven.)
- ↑ Kurganinskan pühäpertid sobory.ru-saital. (ven.)
- ↑ Kurganinskan agrariž-tehnologižen tehnikuman sait (katt-kk.ru). (ven.)
Irdkosketused
[vajehta | vajehtada lähtetekst] |
Kurganinsk Vikiaitas |
| Krasnodaran randan lidnad | ||
| Abinsk | Anap | Apšeronsk | Armavir | Belorečensk | Gelendžik | Gul'keviči | Hadižensk | Hul Purde | Jeisk | Korenovsk | Krasnodar | Krimsk | Kropotkin | Kurganinsk | Labinsk | Novokubansk | Novorossiisk | Primorsko-Ahtarsk | Slavänsk Kubanil | Soči | Temrük | Tihoreck | Timašovsk | Tuapse | Ust'-Labinsk | ||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
