Kameškovo
Lidnanznam
|
Flag
|
| Valdkund | Venäma |
| Eläjiden lugu (2021) | 12,028 ristitud |
| Pind | 8,31 km² |
.jpg)
| |
| Pämez' | Dmitrii Storožev (reduku 2015—) |
| Telefonkod | +7−49 248-xx-xxx |
| Aigvö | UTC+3 |
Kameškovo (ven.: Ка́мешково) om Venäman lidn da lidnankund Vladimiran agjan pohjoižes.
Istorii
[vajehta | vajehtada lähtetekst]Eländpunktan aluz om pandud vl 1892 tekstil'fabrikan radnikžiloks. Kameškovo om Kameškovon rajonan administrativižeks keskuseks vspäi 1940, sen alusenpanendan aigaspäi Ivanovon agjaha. Vn 1944 elokun 14. päiväspäi panihe Vladimiran agjan alust, i sirdihe lidnad rajonanke sihe. Radnikžilo sai lidnan statusad vl 1951.
Kameškovo šingotase mehanižel tegimel, tekstil'fabrikal da lavakrepindoiden tegimel päedheotandoikš. Kompressorstancii radab «Alauz'lidn — Dmitrov»-gazanveimel.
Geografijan andmused
[vajehta | vajehtada lähtetekst]Lidn sijadase tazangištol Kläz'm-jogen (kuz' kilometrad suvhe) i Naromš-jogen (kuz' kilometrad pohjoižhe) keskes, 100 m ü.m.t. keskmäižel korktusel.
Lähembaine järed lidn om Kovrov, matkad sihesai om 25 km päivnouzmha avtotedme vai 20 km raudtedme. Matkad Vladimirhasai om 40 km suvipäivlaskmha.
Tobmuz
[vajehta | vajehtada lähtetekst]Kameškovo om lidnankundan üks'jäižeks eländpunktaks, rajonan üks'jäine lidnankund.
Lidnankundan tobmuden pämez' om sen Deputatoiden nevondkundan ezimez'.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 13 103 ristitud, rajonan kaks' videndest, vn 2021 — 12 028 ristitud. Kaikiš suremb lidnan ristitišt oli läz 15 tuhad eläjid vozil 1989−1998.
Ortodoksižen hristanuskondan Sündun Voznesenjan jumalanpert'[1] om saudud vozil 1904−1906. Ph. Panteleimon-spravitajan kodijumalanpert' om avaitud rajonan läzundkodiš vspäi 2014.
Lapsiden opendusen aluzkundad oma severz'-se päivkodid, keskškol. Professionaližen opendusen aluzkundad ratas lähembaižiš lidnoiš.
Galerei
[vajehta | vajehtada lähtetekst]-
Puine pertišt i lämoipalonvastaine palakund (2010) -
Sündun Voznesenjan jumalanpert' -
Lidnan torguz vl 2010 -
Käskuzkundan sauvuz (2023)
.jpg)
Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst]- Municipaližen «Kameškovo-lidn»-ühtnikan lehtpoled Kameškovon rajonan tobmuden saital (admkam.ru). (ven.)
 |
Kameškovo Vikiaitas |
| Vladimiran agjan lidnad | ||
| Aleksandrov | Gorohovec | Gus' Hrustal'nii | Jur'jev Pol'skii | Kameškovo | Karabanovo | Kiržač | Kol'čugino | Kosterövo | Kovrov | Kurlovo | Lakinsk | Melenkad | Murom | Petuškad | Pokrov | Radužnii | Sobink | Strunino | Sudogd | Suzdal' | Vladimir | Väznikad | ||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
