Glinde

Lidnanznam
Valdkund	Saksanma
Eläjiden lugu (2020)	18,380 ristitud
Pind	11,21 km²
Pämez'	Rainhard Cug (2009—, Rainhard Zug)
Telefonkod	+49−40
Aigvö	tal'vel UTC+1, kezal UTC+2

Glinde (mugažo saksan kelel, virktas [ˈɡlɪndə], sijaline alasaksan pagin: Glinn) om Saksanman lidn valdkundan pohjoižes, sen Šlezvig-Gol'štein-federacijanman suviröunanno. Gamburgan päivnouzmaine ezilidn.

Eländpunktan nimituz mainitase 13. voz'sadaspäi, konz Glinde-külä oli lahjoitud jumalankodile. Külä šingotihe vezimellicoil i ümbriradmižen fabrikoil niiden alusel 17. voz'sadaspäi. Vl 1937 Krupp AG-kompanii sauvoi lendimiden pol'vikahiden valoiden tegint küläkundas. Žilo sai lidnan statusad vn 1979 24. päiväl kezakud ičeze 750-voččen jubilejan oiktastuseks.

Glinde šingotase mašiništonsauvomižen edheotandoil, sidä kesken tetabiden kompanijoiden: Alfa Laval, Honeywell Bremsbelag GmbH.

Lidn sijadase läz Gamburgan päivnouzmašt röunad, Ostštainbek-küläkundan taga, 24 m korktusel valdmeren pindan päl. Vedase seičemeks kilometraks megapolisan röunaspäi suvespäi pohjoižhe. Tegimištzon levitase lidnan suvipäivnouzmas.

Vl 1933 se oli pen' žilo 544 eläjanke. Toižen mail'man sodan jäl'ghe žilon ristitišt ližadui eläjil muretud Gamburgaspäi i pagenikoil Päivnouzmažes Germanijaspäi. Vl 2013 eläjiden lugu oli 17 922 ristitud. Kaikiš suremb ristitišt om nügüd'.

Religijan mödhe (2020): protestantad — 23,7%, katolikad — 8,5%, toižed uskojad i religijatomad — 67,8%.

• Mad'jaranma Kapošvar, Mad'jaranma (vspäi 1970)^[1]
• Francii Sen Sebast'jan sür Luar, Francii (1964)

1. ↑ Kaposvár // Städtepartnerschaft (Partn'orlidnad). — Glinde-lidnan sait (glinde.de).

• Lidnan ohjastusen sait (glinde.de). (saks.)

Glinde Vikiaitas