Feminizm (latin.: femina-sanaspäi «naine»), vai naižküzund, om ideologijoiden, politižiden i socialižiden likundoiden spektr, kudambad oma olmas samha tazooiktust naižiden täht politikas, rahvahaližes ižanduses, personas i ristitkundas, vai heitmaha seksizmad.

Nene oma oiktusiden keskes samha tazooiktust naižiden täht: valičemižoiktuz, oiktuz olda valdkundmehen erazvuiččil radnikusil, oiktuz sada radod da kohtašt aigpaukad, oiktuz ičezkaluištho, opendushe, ühtnendha keskladindoihe, kohtaižed oiktused naimiželos, oiktuz dekretpästushe, kaičendoiktuz hibjan koskmatomudhe. Feminizman likundad oma naižoiktusen vajehtusiden päine vägi. Niiden radmine Päivlaskmman valdkundoiš toi mugomid satusid: naižiden valičemižoiktuz, reproduktivižed oiktused (joudai kontracepcii i abortan tehmine), oiktuz tehta keskladindoid i olda ičezkaluišton pidajan, sanoiden genderiž-neitraline kävutand.

Äjad feministad pagištas mužikoiden-ki päzutandas, ristitkundan patriarhaline sauvond i veroližed genderižed rolid todas pahut mužikoile-ki, naižmelen mödhe.

Päivlaskmman naižlikundan enzne jagase koumeks pordoks-«aldoks».

1.Ezmäine pord om sufražizman likund 19. voz'sadal i 20. voz'sadan zavodindas, tarbhaitihe oiktust ičezkaluištho lähtnuziden mehele naižiden täht i valičemižoiktust.

2.Kahtenz' pord augoti 1960-nzil vozil, likund tahtoi sada mehiden i naižiden täut juridišt tazooiktust.

3.Koumanz' pord jätkustub 1990-nziš vozišpäi i kazvab kahtenden pordon erasiš-se satusetomuzišpäi, mugažo seksualižiš sodoišpäi i diskussijoišpäi feministoiden keskes. Likund jagoihe kaks'haze: antopornografine feminizm i seksualiž-pozitivine feminizm.

Feminizm Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.