Dagestanan Lämoid
Lidnanznam
|
Flag
|
| Valdkund | Venäma |
| Eläjiden lugu (2021) | 31,412 ristitud |
| Pind | 9,27 km² |
| |
| Pämez' | Zeidulla Gašimov (reduku 2015—) |
| Telefonkod | +7−87 275-xx-xxx |
| Avtokod | 05 |
| Aigvö | UTC+3 (MSK+0) |
Dagestanan Lämoid (ven.: Дагеста́нские Огни́, tab.: Дагъустан Огни, azerb.: Дағыстан Ишыглары / Dağıstan İşıqları, lezg.: Дагъустандин ЦIаяр) om Venäman lidn da lidnümbrik Dagestanan Tazovaldkundan suvipäivlaskmas. Om Derbentan lodehližeks ezilidnaks.
Istorii
[vajehta | vajehtada lähtetekst]Eländpunktan aluz om pandud vl 1914 sauvomha stöklantegint sijaližel torhudel — kvarcletkel. Oli saudud tošti Rahvahanikoiden sodan jäl'ghe, radaškanzi vl 1926 sijaližel londuseližel gazal, kudamban spontanižed tulendad man pindale andoiba žilole nimed. Vl 1990 žilo sai lidnan statusad.
Dagestanan Lämoid-lidn šingotase järedal stöklantegimel[1], pörutügitegimel, savičuntegimel, mugažo kouranfabrik i vintegim ratas.
Geografijan andmused
[vajehta | vajehtada lähtetekst]Lidn sijadase Suren Kavkazan ezimägištol, 35 m keskmäižel korktusel valdmeren pindan päl. Matkad Kaspijhasai om nell' kilometrad pohjoižpäivnouzmha, Mahačkalhasai — 120 km lodeheze. Lähembaine lidn om Derbent kümnes kilometras suvipäivnouzmha.
Dagestanan Lämoid oma lidnümbrikon üks'jäižeks eländpunktaks.
Eläjad
[vajehta | vajehtada lähtetekst]Vn 2010 kaiken Venäman rahvahanlugemižen mödhe lidnan eläjiden lugu oli 27 923 ristitud. Kaik 29 238 eläjad oli lidnas vl 2017. Kaikiš suremb lidnan ristitišt om nügüd'.
Rahvahad (enamba 1 % vl 2010): tabasaranalaižed — 46,2 %, azerbaidžanlaižed — 23,1 %, lezginalaižed — 17,8 %, darginalaižed — 6,6 %, agulalažed — 3,1 %, venälaižed — 1,1 %, toižed rahvahad — 1,8 %, rahvahuden ozutandata — 0,3 %.
Islaman sur' pühäpert' (mülütab seičemed tuhad uskojid) om avaitud lidnas vn 2023 keväz'kus.
Agrokolledž[2] om lidnan professionaližen opendusen aluzkundaks.
Galerei
[vajehta | vajehtada lähtetekst]-
Pertišt (2013) -
Stöklantegimen produkcii vl 2013 -
Stöklantegimen kul'turkeskuz (2013) -
Federaline trass läbitab lidnad (2013)
Homaičendad
[vajehta | vajehtada lähtetekst]- ↑ Lidnan stöklantegimen sait (dagsteklotara.ru). (ven.) (angl.)
- ↑ Lidnan Agrokolledžan sait (agrok.dagestanschool.ru). (ven.)
Irdkosketused
[vajehta | vajehtada lähtetekst] |
Dagestanan Lämoid Vikiaitas |
| Dagestanan Tazovaldkundan lidnad | ||
| Buinaksk | Dagestanan Lämoid | Derbent | Hasavürt | Izberbaš | Kaspiisk | Kizilürt | Kizlär | Mahačkal | Suvisuhokumsk | ||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
