Čaikovskii
Чайковский

Lidnanznam	Flag
Valdkund	Venäma
Eläjiden lugu (2023)	75,324 ristitud
Pind	56,49 km²
Pämez'	Jurii Vostrikov (2005−2009, sügüz'ku 2018—)
Telefonkod	+7−34 241-xx-xxx
Avtokod	59, 81, 159
Aigvö	UTC+5 (MSK+2)

Sil sanal voib olda toižid znamoičendoid; miše nähta niid, tulgat tänna.

Čaikovskii (ven.: Чайко́вский, perm. komi: Чайковскӧй кар) om Venäman lidn Permin randan suvipäivlaskmaižes čogas. Se om randan nellänz' lidn eläjiden lugun mödhe, Čaikovskijan lidnümbrikon (vll 1958−2018 rajonan) administrativine keskuz da pala.

Eländpunktan aluz om pandud vl 1955 radnikžiloks sauvomha Votkinskan GES:ad. Sai lidnan statusad vn 1962 18. päiväl vilukud.

Elektroenergetikan ližaks, Čaikovskii-lidn šingotase sauvondmaterialiden pästandal (raudbetontegim, savičun tegim^[1] ümbrikon Foki-žilos), kanghiden kombinatal, gazapparaturan tegimel, sömtegimišton edheotandoil (lihakombinat, maidtegim), mugažo meblin, metalližtegesiden^[2] i metalližkonstrukcijoiden edheotandad ratas.

Lidn sijadase Kamanjogen hural randal, 95 m ü.m.t. keskmäižel korktusel. Kaman Votkinskan vezivaradimen padosein sijadase lidnas.

Matkad Permihesai om 190 km pohjoižpäivnouzmha orhal vai 270 km avtol, voib sadas Kamal-ki. Lähembaižed lidnad sijadasoiš Udmurtijan Tazovaldkundas: Sarapul suvipäivlaskmha, Iževsk päivlaskmha (lendimport) i Votkinsk 32 km pohjoižhe orhal vai 42 km avtotedme.

Čaikovskii oli lidnankundan üks'jäižeks eländpunktaks. Lidnankundan pind oli 226,76 nellikkilometrad. Lidnan pertišton pind om 31 km².

Vn 2010 Venäman rahvahanlugemižen mödhe lidnan eläjiden lugu oli 82 895 ristitud, rajonan nell' videndest, vn 2021 — 75 837 ristitud. Kaikiš suremb lidnan ristitišt oli 90 200 eläjad vl 2001.

Ortodoksižen hristanuskondan nell' jumalanpertid^[3] i kaks' časounäd, baptizman pühäpert' i islaman mečet' oma saudud lidnas.

Čaikovskijan tegimišttehnologijoiden da ohjastusen tehnikum^[4] om lidnan professionaližen opendusen aluzkundaks.

• 
  Čaikovskijan lidnümbrikon administracijan sauvuz, vn 2015 fotokuva
• 
  Ph. Jurgii-vägestusenkandajan jumalanpert', vn 2020 nägu
• 
  Votkinskan GES vl 2011
• 
  «Volna»-adivpert' (2015, Laineh)
• 
  «Gidrostroitel'»-kul'turižsportkeskuz (2005, Gidrosauvoi)
• 
  Norišton kul'turkeskuz i fontan (2013)
• 
  Lapsiden čoamahtoiden škol nomer 1 (2020)
• 
  Tal'veližiden sportansuguiden «Snežinka»-keskuz (2015, Lumut)
• 
  Čaikovskijan tehnologine institut (2011, ei ole rados)
• 
  Jogiport vl 2015

1. ↑ Čaikovskijan savičuntegimen sait (chkz59.ru). (ven.)
2. ↑ Čaikovskijan metalližtegesiden tegimen sait (chzm.ru). (ven.) (angl.)
3. ↑ Čaikovskijan pühäpertid sobory.ru-saital. (ven.)
4. ↑ Čaikovskijan tegimišttehnologijoiden da ohjastusen tehnikuman sait (chtptu.ru). (ven.)

• Lidnümbrikon Duman sait (chaikokrugduma.vsite.pro). (ven.)
• Lidnümbrikon Administracijan sait (чайковскийрайон.рф). (ven.)

Čaikovskii (lidn) Vikiaitas