Un tribunałe internasionałe el ze un òrgano zurisdisionałe creà par via de un tratà internasionałe che el ghene disiplina łe conpetense, zurisdision e norme de prosedimento.

Un tribunałe internasionałe el połe èsare permanente, co zurisdision no retroativa ma no limitada a un laso de tenpo determinà, in sto cazo el ze zeneralmente denomenà corte. El połe èsare ad hoc, co zurisdision limitada a un laso de tenpo, un teritòrio, a avegnimenti ben definii, de sòłito co referimento a crìmeni fati presedentemente a ła so istitusion. El vien considarà smisià o misto, inte el cazo inte el cuało ghe ze ła cołaborasion intrà ła nasion andove i ze stai perpetrai i prezumesti crìmeni, definii in apòziti tratai, e organizasion internasionałi cofà łe Nasion Unie. Ghe ze anca tribunałi stòreghi che i ga creà łe baze par ła moderna zurisprudensa internasionałe e che i ze atualmente inativi.

De sevente, un curto resunto dei tribunałi internasionałi a liveło mondiałe e eoropeo.

1899

• PCA o CPA : Permanent Court of Arbitration o Cour permanente d'arbitrage, Corte permanente de arbitrajo. Istituia inte el 1899 de sevente a ła prima conferensa de Paze de l'Aia, el statuto el vegnea modifegà inte el 1907 dopo ła seconda conferensa de Paze de l'Aia. El ze l'organizasion intergoernativa ativa inte ła resołusion de dèspute internasionałi. Ła ga sede inte el pałaso de ła Paze, L'Aia, Paezi Basi.

1946

• ICJ: International Court of Justice, Corte internasionałe de zustìsia. Prinsipałe òrgano zudisiałe de łe Nasion Unie. Ła ga sede al Peace Palace a l'Aia. Ła ga scumìsià lavorar inte el 1946, cuando che el ga renpiasà ła Corte permanente de zustìsia internasionałe che ła zera stada ativa dal 1922. Ła lavora su ła base de un statuto che el ze parte integrante de ła Carta de łe Nasion Unie. Ła ga un roło dópio: stabiłire in acordo co ła leje internasionałe łe dèspute legałi portae davanti a sto cuà dai stati, e dare opinion diretive su cuestion legałi proponeste. Sito web

1982

• ITLOS: International Tribunal for the Law of the Sea, Tribunałe internasionałe del derito del mare. Organismo indipendente de łe Nasion Unie, co sede in Anburgo, creà co ła "IIIª Convension internasionałe su ła leje del mare" che ła se ga avesto a Montego Bay, in Zamàega, inte el 10 de disenbre del 1982. Ła ga zurisdision sui contensiozi intrà łe 149 nasion aderenti inte el mèrito ai recuizii de seguresa de łe nave, i deriti de pesca inte łe àcue internasionałi, ła divizion de łe àcue teritòriałi nasionałi e i divieti de pesca de łe spece marine protezeste da łe convension internasionałi. Sito web

1993

• ICTY: International Crimenal Tribunal for the former Yugoslàvia, Tribunałe penałe internasionałe par l'ex-Jugoslàvia. Istituio co ła resołusion 827 (25 de majo 1993) del Consejo de seguresa de łe Nasion Unie. Sede a l'Aia (The Hague). Tribunałe ad hoc. Sito web.

1994

• ICTR: International Crimenal Tribunal for Ruanda, Tribunałe penałe internasionałe par el Ruanda. Creà inte l'anbito del Capìtuło VII, da ła resołusion 955 (8 de novenbre 1994) del Consejo de seguresa. Par statuto el ga sede a Arusha inte ła Repùblega de Tanzània (resołusion 977 del 22 de febraro 1995), ma łe Càmare de apeło łe ga sede a L'Aia, inte l'ICTY^[1]. Se ocupa de zenocidio, crimeni contro l'umanità, viołasion de l'art. 3 comun de łe convension de Zinevra e el protocoło ajuntivo II. Tribunałe a hoc. Sito web

2002

• ICC: International Criminal Court, Corte penałe internasionałe. Permanente, bazada su tratà, corte penałe internasionałe. Patejada a Roma el 17 de lujo del 1998, andove anca i 120 stati i ga adotà el statuto. Col rivo de ła 60ª ratìfega, l'11 de apriłe del 2002, ła ze entrada in vigore el 1º de lujo del 2002. Sede a l'Aia (Alexanderkazerne), ma tenporaneamente ospitada inte el "de Arc". Indipendente da łe organizasion internasionałi (ONU). Ła laora so crìmeni cofà zenosìdio, crìmeni contro l'umanità, crìmeni de guera, crìmene de agresion e gravi viołasion de łe Convension de Zinevra. Sito web

1959

• ECHR-COE: European Court of Human Rights, Cour européenne des droits de l'homme, Corte eoropea dei deriti de l'omo. Ła fa referimento a ła Convension eoropea par ła protesion dei deriti de l'omo e de łe libartà fodnamentałi. Ghe se połe far recórar par ogni viołasion da parte de un Stato contraente de uno dei deriti garantii da ła Convension.Sito web

1988

• CJEC: Court of Justice of the European Union, Corte de zustìsia de l'Union eoropea. Ła ga el cònpito de garantir ła oservansa del derito inte l'interpretasion e inte l'aplicasion dei tratai istitutivi de łe comunità eoropee e de łe norme adotae da łe istitusion comunitàrie conpetenti. Sito web

2001

• ECCC : Extraordinary Chambers in the Courts of Cambodia, "Tribunałe speciałe de ła Canboja el ze "na corte nasionałe sostegnesta da personałe internasionałe e istituia in acordo co łe leji de ła Canboja. Ła ga zurisdision sui prezumesti crìmeni de zenosìdio, crìmeni contro l'umanità e grave viołasion de łe convension de Zinevra perpetrai inte el perìodo intrà el 17 de apriłe del 1975 al 6 de zenaro del 1979 dai lìder superiori de ła Kampuchea Democràtega e dai majori responsàbiłi dei medèzemi crìmeni. Su l'apartegnensa o no de racuanti inputai a almanco una de łe do categorie (e de consevensa su ła so prosedibiłità da parte del tribunałe) łe ze sorzeste controvèrsie intrà i zùdezi internasionałi e i zùdezi nasionałi.

Sito UNAKRT Nasion Unie Sito ECCC

2002

• SC-SL: Special Court for Siera Leon, Corte speciałe par ła Siera Leon. Instaurada in union dal Goerno de ła Siera Leon e łe Nasion Unie par provar i crìmeni avegnesti dal 30 de novenbre del 1996. Ła ga a inte l'ojeto i omisidi, stupri, stermini, ati de terorismo, s-ciavitù, insendi, s-ciavitù sesuałe, inrołamento de puteli inte łe forse armae e atachi contro el personale de łe NU e oparatori umanitari. Sito web

2007

• STL : Special Tribunal for Lebanon, Tribunałe speciałe par el Lìbano el ze un tribunałe speciałe par perseguitar legalmente i responsàbiłi de l'atentà del 14 de febraro del 2005 a Beirut inte el cual łe ze morte 22 persone e el premier Rafiq Hariri. Dopo de ła resolusion del Consejo de seguresa de łe Nasion Unie 1664 (del 2006), l'ONU e el goerno libaneze i ga dimandà in unità ła creasion de un tribunałe speciałe. La resolusion del Consejo de seguresa 1757 (del 2007) del 30 de majo del 2007 ła ga defìnio ła zurisdision el Statuto del Tribunale speciałe par el Lìbano, entrà in vigore el 10 de zugno 2007. Ła ga scumìsià łe atività el 1º de marso del 2009. Ła sede ła ze a L'Aia, Paezi Basi.Sito web Archivià il 26 de lujo 2019 in Internet Archive.

1945-1946

• IMT: International Military Tribunal, Tribunale miłitare internasionałe.

1945-1946

• NMT: Nuremberg Military Tribunals, Tribunale miłitare de Norinberga.

1946-1948

• IMTFE: International Military Tribunal for the Far East, Tribunale miłitare internasionałe par l'Estremo Oriente.

• (EN) Lecture by Yuval Shany (Yuval Shany) entitled Assessing the Effectiveness of International Courts: A Goal-based Approach in the Lecture Series of the United Nations Audiovisual Library of International Law
• (EN) Lecture by Sir Elihu Lauterpacht entitled The Role of the International Judge in the Lecture Series of the United Nations Audiovisual Library of International Law
• (EN) Lecture by Kenneth Keith entitled Aspects of the Judicial Process in National and International Courts and Tribunals in the Lecture Series of the United Nations Audiovisual Library of International Law
• (EN) Lecture by Mark Weston Janis entitled Protestants, Progress and Peace: the 19th Century Movement for an International Court and Congress: Early Drafts of Today's International Court and the United Nations in the Lecture Series of the United Nations Audiovisual Library of International Law

• Project on International Courts and Tribunals, which maintains a second website focused on Africa at [1]
• United Nations Rule of Law: Tribunals & Other Mechanisms Archivià il 27 de aprile 2021 in Internet Archive.

, on the relationship between international courts and the rule of law.