Co la parola tetoja se intende on cuerto provixorio o comuncue smontàbiłe destinà al ricòvaro de robe o de xente. calche olta la pol èsar on edificio a parte, ma de solito ła xe ligada a on on altro. De solito ła xe verta so 3 o 4 muxi e el cuerto el pol eser poxà so piłastri (solusion adotada ten posti verti) o sanò el pol esar na mensoła increstada inte on muro portante (cofà le pensiłine de łe stasion). on ultimo caso che el xe drio ciapar piè in sti ani el xe chel de serte tetoje destinade al ricòvaro de la machina, che le xe increstae inte do pilastri che łe poxa inte el teren. Na solusion che la ghe someja forte ła xe chela de increstar la tetoja inte na ùnxoła fila longa de pilastri, sta olta co la linea de gorna in mexo (caxo doperà inte le tetoje deslongo de łe sine del tren). I materiai da costrusion doperadi par al tełaro i pol eser legno o asàio, e par al cuerto se dopera de solito materiai lixieri e tante olte trasparenti. chełi che se cata pì de łe volte i xe plexyglas, vero, ondułato, eternit (fora leje), carta catramada, lamiera.