El Budhismo (in sanscrito buddha-śāsana) ła xe na rełigion, anca se sta definixion a se połe definire un fià streta, in quanto prima roba la gà tute le carateristiche pa exare definia na vera e propria fiłosofia e, seconda roba, no la gà el conceto de divinità: par sto motivo la xe definia anca na "reijion atea". Ai dì de oncò, la xe una de łe forme de pensiero fiłosofico/reijioso pì difondeste al mondo. El Budhismo la xe na reijion rivełà: questo vol dire che la ga vudo, inte ła persona de Sidharta Gautama, el so primo maestro e fondatore.

El Budhismo el xe diviso in tre corenti prinxipałi: Theravada (la pì vecia de tute), Mahajana (definia "Veicoło Grando", in contraposixion, anca połemica co 'a prima che la xe definia "Veicoło Picenin"), Tantrajana (definia el "Veicoło del Diamante", indove che vien utiłixà el Tantra).

Ła fiłosofia budhista, la xe basà su i discorsi e in generałe su łe lexion de Siddharta Gautama che vien definio el Buddha Storego. El fondamento dei sò insegnamenti xe rapresentà da łe Quatro Nobiłi Verità.

• Wikimedia Commons el detien imàjini o altri file so budismo