کمپیوٹر انجینئری یا شمارندی انجینئری (computer engineering) اصل میں ایک ایسے شعبہ علم کو کہا جاتا ہے جس میں علم کمپیوٹر اور ہندسیات اور (بطور خاص برقی ہندسیات) کا ایک دوسرے میں اطلاق کیا جاتا ہے۔ کمپیوٹر انجینئری میں ایک انجینئر (جو پہلے سے علم ہندسیات کی استعداد رکھتا ہو یا اسے حاصل کر رہا ہو) ؛ سافٹ ویئر و ہارڈویئر، خرد شمارندات (microcomputers)، برقناطیسیت اور لطیف ہندسیات (software engineering) جیسے علوم کا مطالعہ کرتا ہے، اس شعبے کو ایک اختصاص (specialization) کی حیثیت حاصل ہے۔