جامعہ عالیہ
معلومات
تاسیس	1780
نوع	عوامی جامعہ
محل وقوع
إحداثيات	22°35′22″N 88°29′12″E / 22.58952°N 88.4866°E / 22.58952; 88.4866
شہر	کولکاتا
ملک	بھارت
شماریات
ویب سائٹ	www.aliah.ac.in
درستی - ترمیم

جامعہ عالیہ یا عالیہ یونیورسٹی (سابقہ نام: مدرسہ عالیہ کلکتہ) حکومت کے زیر انتظام چلنے والی ایک ریاستی اقلیتی خود مختار یونیورسٹی ہے جو نیو ٹاؤن، مغربی بنگال میں واقع ہے۔ اس یونیورسٹی کا پرانا نام مدرسہ عالیہ کلکتہ تھا۔ سنہ 2008ء ميں اسے یونیورسٹی کا درجہ دیا گیا۔ اس وقت یونیورسٹی میں انجینئری، فنون لطیفہ، سائنس وغیرہ موضوعات میں انڈر گریجویٹ اور پوسٹ گریجویٹ کی تعلیم دی جاتی ہے۔

جامعہ عالیہ کے انڈر گریجویٹ اور پوسٹ گریجویٹ کے بیشتر کورس میں داخلہ امتحان کے ذریعہ دیا جاتا ہے جبکہ ایم ایس اور پی ایچ ڈی میں انٹرویو کے بعد داخلہ ملتا ہے۔

جامعہ عالیہ میں مختلف اقسام کے نصاب تعلیم کے لیے چار علاحدہ کیمپس بنائے گئے ہیں جو پارک سرکس، تڑاتلا اور نیو ٹاؤن (راجا رہاٹ) میں واقع ہیں۔^[1]

مغربی بنگال کی وزیر اعلیٰ ممتا بنرجی نے 15 دسمبر 2011ء کو جامعہ عالیہ کیمپس کی بنیاد رکھی اور 11 نومبر 2014ء کو تعمیر مکمل ہونے پر اس کا افتتاح کیا۔^[2] نیو ٹاؤن کے کیمپس میں 156 درس گاہیں جن میں بارہ ہزار طلبہ کی گنجائش ہے۔ یہ کیمپس محض سائنس اور ٹیکنالوجی کے طلبہ کے لیے مختص ہے۔ اسی کیمپس میں تین مزید عمارتیں تعمیر کی گئی ہیں جو مختلف تجربہ گاہوں اور مرکزی کتب خانے کے زیر استعمال ہیں۔

پارک سرکس کا کیمپس فنون لطیفہ اور نرسنگ کے طلبہ کے لیے خاص ہے جبکہ تڑاتلا کیمپس میں شعبہ اسلامیات کے طلبہ ہوتے ہیں اور جامعہ عالیہ کا مرکزی دفتر بھی وہیں واقع ہے۔

جامعہ عالیہ کے تین کیمپس میں تین علاحدہ علاحدہ کتب خانے موجود ہیں۔ نیو ٹاؤن کے کیمپس کا کتب خانہ مرکزی کتب خانہ سمجھا جاتا ہے جس میں 1.33 لاکھ کتابیں موجود ہیں۔

جامعہ عالیہ کے کتب خانے میں ادب، اسلامیات، فقہ اسلامی، قانون اور عربی، فارسی اور اردو کی کتابوں کا بڑا ذخیرہ یکجا ہے۔ اور اب اس میں سائنس، انجینئری، بشریات اور سماجی علوم سے متعلق ذخیرہ کتب یکجا کیا جا رہا ہے۔

• دفتری ویب سائٹ