بی-2 سپرٹ
نوع	سٹیلتھ طیارہ
انجن
کل پیداوار
معلومات
آغاز خدمات	17 دسمبر 1993
پہلی پرواز	17 جولا‎ئی 1989
صارفین	امریکی فضائیہ
لمبائی
پروں کا دائرۂ کار
درستی - ترمیم

بی-2 سپرٹ (B-2 Spirit) ایک دزدیدہ یا سٹیلتھ بمبار ہوائی جہاز ہے۔ یہ عام بموں کے ساتھ ساتھ ایٹم بم بھی لے جا سکتا ہے۔ اسے امریکہ کی کمپنی نارتھراپ گرومن نے بنایا ہے۔ یہ دنیا کا مہنگا ترین جہاز ہے۔ اس میں جو سٹیلتھ تکنیک استعمال کی گئی ہے وہ اسے ریڈار کی نظروں سے محفوظ رکھتی ہے جس کی وجہ سے یہ دشمن کے سب سے محفوظ علاقوں میں بھی بمباری کر سکتا ہے۔

بی-2 بمبار جہاز میں کوئی ریڈار نہیں ہوتا جس کی وجہ سے یہ ریڈار ڈیٹکٹرز سے پوشیدہ رہتا ہے۔ یہ جہاز اپنی رہنمائی کے لیے جی پی ایس (GPS) کا نظام استعمال کرتا ہے۔ اس کا ڈیزائن اور اس کا انجن اسے کم بلندی پر ہر قسم کہ موڑ اور مشن انجام دینے کی صلاحیت فراہم کرتا ہے۔ یہ ہوا ہی میں کسی دوسرے ہوائی جہاز سے اپنا ایندھن بھی بھروا سکتا ہے۔ یہ قریبا 11000 کلومیٹر دور تک بغیر ایندھن بھروائے اڑ سکتا ہے۔

یہ 80 جے ڈی اے ایم (JDAM) بم لے کر 80 نشانوں کو تباہ کر سکتا ہے۔ اس کے اندر ایک بہت ہی اعلی (GATS) سسٹم نصب ہے جو اس کے جے ڈی اے ایم (JDAM) بموں کے نشانوں کی درستی کی ضامن ہے۔

اس جہاز میں دو پائلٹ بیٹھتے ہیں۔

بی-2 کو بنانے کا کام قریبا 1980میں شروع ہوا اور اس پر 23 بلین امریکی ڈالر خرچ ہئے۔ 22 نومبر 1988 کو اس جہاز کو پلانٹ 42 پلام ڈیل، کیلی فورنیا میں عوام کے سامنے لایا گیا۔ اس کو پہلے مسوری امریکہ میں بنایا جاتا تھا لیکن آج کل یہ بحر ہند میں برطانیہ کے جزیرے ڈیگو گارشیا میں امریکا اور برطانیہ دونوں ممالک مل کر بنا رہے ہیں۔

اگرچہ اتنے مہنگے جہاز کو جنگ میں استعمال کرنا ایک بہت رسک ہے لیکن یہ جہاز اپنی صلاحیت کی وجہ سے کئی بار جنگ میں استعمال ہوا ہے۔

• کوسوو کی جنگ (1999)۔
• امریکا / افغان جنگ (2001)۔
• امریکا / عراق جنگ (2003)۔

• عملہ : 2
• لمبائی : 20.9 میٹر / 69 فٹ
• پر کی لمبائی : 52.12 میٹر / 172 فٹ
• اونچائی : 5.1 میٹر / 17 فٹ
• وزن : 71700 کلوگرام

• رفتار : 745 کلومیٹر فی گھنٹہ
• حد : 11000 کلومیٹر
• اڑان کی بلندی کی حد : 50000 فٹ / 15000 میٹر

• 80 جی ڈی اے ایم بم (ایک بم کا وزن:کلوگرام 225)۔
• 36 سی بی یو بم (335 کلوگرام:ایک بم کا وزن)۔
• 16 بی-61 یا بی-82 ایٹم بم۔

• بی-2 سپرٹ کا تعارف۔

ویکی ذخائر پر بی-2 سپرٹ سے متعلق سمعی و بصری مواد ملاحظہ کریں۔