Куулар, Шомаадыр Дойлу оглу
|
Шомаадыр Дойлу оглу Куулар | |
|---|---|
| Төрүттүнген хүнү | 1943 марттың 22 (81 хар) |
| Чурт | |
Шомаадыр Дойлу оглу Куулар (орус. Шомаадыр Дойлуевич Куулар англ. SHomaadyr Dojlu oglu Kuular ) — тыва журналист, прозаик, Тыва Республиканың алдарлыг ажылдакчызы.
Намдары
[эдер | вики-сөзүглелди эдер]Ш. Куулар 1943 чылдың март 22-де Тыва Арат Республиканың Сүт-Хөл кожуунунуң Хөр-Тайгага төрүттүнген. Хөр-Тайга, Кызыл-Тайга, Суг-Аксы школаларынга өөренгеш, Новосибирскиде партияның Дээди школазының массалыг информация чепсектерин удуртуп-башкарар факультедин дооскан.
Күш-ажылчы базымын «Тываның аныяктары» солуннуң чурукчузундан эгелээш корреспондентилеп, килдис эргелекчилеп, харыысалгалыг секретары бооп, редакторунга четкен, 1991-1994 чылдарда «Тыва Республика» солуннуң редакторунга ажылдаан.
Чогаал ажылын 1978 чылда эгелээн. Баштайгы ному «Көк-Хевек» 1984 чылда чырыкче үнген. Дараазында чылдарда «Баглааш» (1988) деп романы, «Шорааннарда дайгы» (1989) деп очерктери, «Амыдыралдың чиргилчиннери» (1994) деп тоожузу тускай номнар кылдыр парлаттынган. Ол тыва чогаалчылар М. Б. Кенин-Лопсан, Ю. Кюнзегеш, Е. Танова, С. Сүрүң-оол, О. Сувакпит болгаш өскелерниң-даа номнарының чурук-каасталгазын кылган. 1969 чылдан бээр ССРЭ-ниң Журналистер эвилелиниң кежигүнү, Тыва Республиканың Чогаалчылар эвилелиниң кежигүнү.
Шаңналдары база аттары
[эдер | вики-сөзүглелди эдер]- Тыва Республиканың алдарлыг ажылдакчызы
- ТР медальы «Шылгараңгай күш-ажыл дээш»
Кол парлаан чүүлдери
[эдер | вики-сөзүглелди эдер]- Быжары: тоожу, чечен чугаалар, 1984
- Баглааш: роман, 1988,2002,2008
- Чуртталганың чиргилчиннери : тоожу, 1994
Дөзү
[эдер | вики-сөзүглелди эдер]- «Тываның чогаалчылары / Писатели Тувы» 2000 чылда үнген ном
Text is available under the CC BY-SA 4.0 license; additional terms may apply.
Images, videos and audio are available under their respective licenses.
