Ortodokslıq, Pravoslawlıq, Pravoslavie (грек. ὀρθοδοξία, рус. православие — döres xökem, döres belem, döres Xoday süze, döres Xoday danlıqlau) — monoteizm häm xristianlıq dineneñ ber iseme häm yünäleşe. Ul Könçıgış Rim imperiäsendä tuıp, Balqannarğa, Kavkaz belän Rossiägä kergän. Xäzerge waqıtta däwläti çirkäwlärgä bülenä.

Ortodoks Xristianlıq yäki Pravoslavie, Rim imperiäse bülengäç (395), Xristianlıq Könçığış tarmağı bularaq oyışqan töp häm borınğı yünäleşlärneñ berse. Dini nigezläre 9-11. yözlärdä Vizantiä bilgelänä. 1054. yılda Ortodoks Xristianlıq möstäqil çirkäw bularaq formalaşa. Aqrınlap berniçä autokefal çirkäwgä bülenä.

Tatarstan cirendä Pravoslavie 1552. yıldan Qazan Xanlığın Rus däwläte yawlap alğaç häm töbäktä kolonial izü säyäsäte başlanğaç, kiñ tarala. (qara Keräşen Tatarlar)

2001. yılnıñ 1 iyülenä Tatarstanda 172 Ortodoks xristianlıq cämğiäte, ş.i. 9 Keräşen Tatarlar mäxälläse terkälgän.