1930 елгы дөнья футбол чемпионаты
 | |
| Тулылыклар | |
|---|---|
| Кабул итүче ил | Уругвай |
| Вакыт | 13 июл 1930 — 30 июл 1930 |
| Такымнар | 13 |
| Үткәрү урын(нары) | 3 (1 шәһәрдә) |
| Урыннар | |
| Чемпион |  Уругвай |
| Икенче урын |  Аргентина |
| Өченче урын |  АКШ |
| Дүртенче урын |  Югославия |
| Ярыш статистикасы | |
| Уйналган мачлар | 18 |
| Кертелгән туплар | 70 (бер мачта 3.89) |
1930 елгы дөнья футбол чемпионаты (исп. Copa Mundial de Fútbol de 1930) — 1930 елда узган беренче ФИФА дөнья футбол чемпионаты. Чара 13 июлдән 30 июлгә кадәр Уругвай башкаласы Монтевидеода үткәрелгән.
Ярышта 13 җыелма такым катнашкан (Аргентина, Франция, Чили, Мексика, Югославия, Бразилия, Боливия, Уругвай, Румыния, Перу, АКШ, Парагвай, Белгия). Ярыш ике этаптан торган: беренче этапта 13 такым дүрт төркемгә бүленеп, әйләнмә система буенча уйнаган. Икенче этапта төркемнәрдә беренче урын алган такымнар «җиңелгән очракта төшеп калу» системасы буенча җиңүчене ачыклаганнар.
Барлыгы 18 уен уйналган, 70 туп кертелгән. Иң күп туп кертүчеләр: Гильермо Стабиле (Аргентина) - 8 туп, Педро Сеа (Уругвай) - 5 туп. Финалда Уругвай футбол җыелмасы Аргентинаны 4:2 исәбе белән җиңеп, беренче тапкыр дөнья чемпионы исеменә лаек булган.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
