Татарстан Республикасы Конституциясе – Татарстан Җөмһүриятенең төп кануны. 1992 елда кабул ителгән.Татар энциклопедиясе: 6 томда / Баш мөхәррир. — Казан: Татар энциклопедиясе институты, 2008—2021. — 719—655-715-?-?-611-511 б.

• Башы: Әлеге Конституция, Татарстан Республикасының күпмилләтле халкы һәм татар халкы ихтыярын чагылдырып,
  • кеше һәм граждан хокукларының һәм ирекләренең өстенлеген гамәлгә ашыра,
  • халыкларның гомумтанылган үзбилгеләнү хокукына, аларның тигез хокуклылыгы, ихтыяр белдерүнең иреклелеге һәм бәйсезлеге принципларына нигезләнә,
  • тарихи, милли һәм рухи традицияләрнең, мәдәниятләрнең, телләрнең сакланып калуына һәм үсешенә, гражданнар татулыгын һәм милләтара килешүне тәэмин итүгә ярдәм итә,
  • демократиянең ныгуына, Татарстан Республикасының социаль-икътисадый үсешенә, Россия Федерациясе халыкларының федерализм принципларында тарихи барлыкка килгән бердәмлеген саклап калуга шартлар булдыра.
• 7 кисәк;
• 4 бүлек;
• 126 маддә.

1990 елның 30 августында Татарстан суверенитеты турында декларация кабул ителә. 1992 елның 21 мартында Татарстан суверенитеты турында референдум үткәрелә, тавыш бирүчеләрнең 61,4 проценты суверенитетны хуплыйлар. Әлеге процессларны кануни яктан саклап калу максатыннан Татарстан Конституциясен язу зарурилыгы баса. Аны әзерләү өчен махсус комиссия оеша.

Моңа кадәрге ТАССР Конституцияләре бары тик декларатив характерда була һәм кырыс партия цензурасы шартларында кабул ителә^[1]. Яңа Конституцияне язу исә катлаулы вәзгыятьтә бара: Татарстан статусы турында федераль үзәк белән даими сөйләшүләр алып барыла, Казан урамнарында татар милли хәрәкәте һәм үзен демократик дип атаган хәрәкәт вәкилләре даими урам чараларын оештырганнар.

Яңа Татарстан Конституциясе проекты 1991 елның 31 декабрендә киң фикер алышу өчен тәкъдим ителә, аңа карата барлыгы 5,3 мең тәкъдим, төзәтмә кертелә. Халыкара хокукый экспертизалар үткәрелә. 1992 елның маенда Татарстан Югары Советы утырышында төп канунның беренче укылышы үтә. Халык депутатларыннан 500дән артык төзәтмә карала. Кайбер аерым мәсьәләләр зур бәхәс уята (тигез дәүләт телләре, дәүләт хакимиятен оештыру, республика гражданлыгы һ.б.).

1992 елның 6 ноябрендә Татарстан Конституциясе Югары Совет тарафыннан кабул ителә.

Татарстан Конституциясенә төзәтмәләр 15 тапкыр кертелә: 1994 елның 29 ноябрендә, 1995 елның 30 марты һәм 8 декабрендә, 1996 елның 27 ноябрендә, 1999 елның 26 маенда һәм 21 июлендә, 2000 елның 3 марты, 31 мае һәм 19 декабрендә, 2001 елның 28 июнендә, 2002 елның 19 апрелендә, 2003 елның 15 сентябрендә, 2004 12 мартында, 2005 елның 14 мартында.

Викикитапта^? бу тема буенча мәкалә бар:

Татарстан Республикасы Конституциясе

• Татарстан Республикасы Конституциясе(үле сылтама)
• Конституция Татарстана отмечает двадцатилетие 2013 елның 16 июнь көнендә архивланган. (рус.)
• Как вы оцениваете Конституцию Татарстана спустя 20 лет? (рус.)

к б ү Татарстан Татарстан темаларда
Тарих	Төрки каһанлыгы Бөек Болгар иле Хәзәр каһанлыгы Идел буе Болгары Монгол империясе Алтын Урда Казан ханлыгы Казан губернасы ТАССҖ Татарстан
География	Административ-территориаль бүленеш Сусаклагычлар Геология Шәһәрләр Климат Күлләр Туфраклар[ru] Торак пунктлар Файдалы казылмалар[ru] Сакланучы табигать биләмәләре Елгалар Башкала Фауна Флора Экология
Сәясәт	Конституция Суверенитет Парламент Хөкүмәт Президент Конституция Суды[ru] Югары Суд[ru] Арбитраж Суд[ru] Федераль Мәҗлестә вәкилләре Татар телен саклау һәм үстерү мәсьәләләре комиссиясе
Икътисад	Милли банк Сәнәгать җиңел машиналар төзү металлургия нефть химиясе тау чыгару азык-төлек Авыл хуҗалыгы Иҗтимагый сфера Төзелеш[ru] Транспорт Туристлык Энергетика[ru]
Җәмгыять	Сәламәтлек саклау Халык Фән РФА КФҮ ТР ФА Мәгариф Югары уку йортлары Телләр Дин Ислам Спорт Шәхесләр Премияләре лауреатлары
Символлар	Герб Һимн Байрак Бүләкләр
Мәдәният	Архитектура Китапханәләр Сынлы сәнгать Кинематограф Аш-су Киемнәр Әдәбият Музейлар Музыка Бәйрәмнәр ММЧ телевидение радиостанцияләр Бию Театрлар Топонимия
«Татарстан» порталы Төркем Проект