Мөхтәсиб (гарәп. محتسب‎ ― күзәтүче, күзәтеп торучы) ― ислам динендә вазыйфаи зат, шәригать кануннарының әхлак өлкәсендә һәм иҗтимагый тормышта ничек гамәлгә ашыруларын күзәтүчеләр җитәкчесе.

Хәлифәлектә күзәтчелек эшчәнлегенә җитәкчелек итү өчен мөхтәсибләрне фәкыйһлар^[1] арасыннан билгеләгәннәр.

Урта гасырларда мөселман илләрендәге шәһәрләрдә казыйлар, җәмигъ мәчетләре имамнары һәм сәедләр арасында мөхтәсибләр иң дәрәҗәле кешеләр саналган. Мөхтәсибләр шәһәр халкының мәчетләргә йөрүен, мөәзиннәрнең вакытында азан әйтүен, мөселманнарның Рамазан аенда ураза тотуын тәэмин итү өчен һ. б. мәсьәләләр буенча күзәтчелек оештырганнар, шулай ук мунчаларның чисталыгын һәм җыен уздыру урыннарын игътибар үзәгендә тотканнар.

Госман империясендә мөхтәсиб, ярдәмчеләре белән бергә, базарларны һәм һөнәрчелек кварталларын йөреп чыга, бизмән һәм үлчәүләрнең дөреслеген тикшерә торган булган^[2].

Мөхтәсиб үзе гаепле дип тапкан кешеләргә җәза да бирә алган: гаеплеләрне камчы белән суктырган, шулай ук башларына хурлык түбәтәе кидергән.

Хәзерге чорда мөхтәсибләр мөфтиятнең бер территориаль берәмлеге саналучы, берничә мәхәллә яки җәмгыятьне үз эченә алган мөхтәсибәтләр белән җитәкчелек итә ^[3], ислам дине руханиларының үз вазифаларын башкарганда дин таләпләрен ничек үтәүләренә күзәтчелек итә, Диния нәзарәте вәкилләре сыйфатында мөфти фәтвалары һәм күрсәтмәләреннән (указаларыннан) чыгып эш итәләр.

Мөхтәсибәт җитәкчелегенә мөхтәсибне вазифасында мөфти раслый. Мөхтәсибләр имамнарның гамәлләренә карата шикаятьләрне карый һәм имамнар чыгарган карарларны яңадан карауда катнаша.

1930-елларда мөхтәсиб вазифасы бетерелә. 1990-еллар башында Үзәк Диния нәзарәте һәм Башкортстан мөселманнары Диния нәзарәте тарафыннан яңадан мөхтәсибәтләр төзелә, мөхтәсиб вазифасы кире торгызыла. Башкортстанда 38, Татарстанда 44 мөхтәсибәт, Чуашстанда 5 мөхтәсибәт булдырылган.

• Мөхтәсиб. // Ислам. Белешмә―сүзлек (төзүчесе Заһид Шәфигый) ― К.: ТКН, 1990, 116-117нче бит. ISBN 5-298-00949-2

• Ислам дине төшенчәләре исемлеге
• Казый
• Мөфти
• Мөхтәсибәт
• Мәхәллә

к б ү Ислам дин әһелләре
Илаһиятчылар	Голәмә | Имам | Мәүләви | Мулла | Мөфәссир | Мөхәддис | Хәлиф | Хатиб | Хафиз | Шәех | Шәйхелислам
Хокук белгечләре	Казый | Мөҗтәддид | Мөҗтәһид | Мөфти | Фәкыйһ
Шигый титуллар	Аятулла | Бөек аятулла | Унике имам | Мәрҗа әт-тәкълид | Хөҗҗәт әл-Ислам
Суфый дәрәҗәләре	Әбрар | Әүлия | Әүтад | Гариф | Әхияр | Дәрвиш | Ишан | Котб | Мөршид | Мөрид | Нуҗаба | Нукаба | Пир | Остаз | Фәкыйрь | Әфәнде
Башкалар	Әмир әл-мөэминин | Ахун | Мәүләнә | Молдо | Мөҗәһид | Мөрәбит | Мөхтәсиб | Мөәзин | Наиб | Нәкыйб | Дүрт хәлифә | Хаҗи | Шәһит