Марат Закиров (1969)
| Марат Закиров | |
|---|---|
 | |
| Тугач бирелгән исеме: | Марат Хәлил улы Закиров |
| Псевдонимнар: | Марат Закир |
| Туу датасы: | 27 апрель 1969 (55 яшь) |
| Туу урыны: | ТАССР Мамадыш районы Дусай |
| Милләт: | татар |
| Ватандашлык: |  ССРБ→ РФ |
| Эшчәнлек төре: | журналист, язучы |
| Иҗат итү еллары: | 1983 – х.в. |
| Юнәлеш: | шигърият, проза |
| Жанр: | хикәя, повесть, шигырь |
| Иҗат итү теле: | татар теле |
| Премияләр: | Шәйхи Маннур премиясе (1995) Саҗидә Сөләйманова премиясе (2008) |
| Яшәү җире | Чистай урамы, Казан[1] |
Марат Закиров (псевдонимы Марат Закир, Марат Хәлил улы Закиров, 1969 елның 27 апреле, ТАССР, Мамадыш районы, Дусай) — язучы, журналист. 1999 елдан Татарстан Язучылар берлеге әгъзасы. Шәйхи Маннур (1995), Саҗидә Сөләйманова (2008) исемендәге премияләр лауреаты .
Тәрҗемәи хәле
[үзгәртү | вики-текстны үзгәртү]1969 елның 27 апрелендә Татарстан АССР Мамадыш районы Дусай авылында туа. Түбән Тәкәнеш урта мәктәбен тәмамлый (1986). Казан дәүләт педагогия институтына укырга керә. Икенче курста укыганда хәрби хезмәткә алына. Термез шәһәрендәге (Үзбәкстан) снайперлар мәктәбендә укый, аннары Әфганстанга җибәрелә. 1989 елда армиядән кайткач, институтта укуын дәвам итә. «Шәһри Казан» газетасына әдәби хезмәткәр булып урнаша. Сигез ел «Идел» журналында эшли. 2001 елдан «Казан утлары» журналының проза бүлеге мөхәррире. Хәзерге көндә «Безнең мирас» журналы баш мөхәррир урынбасары.
Иҗаты
[үзгәртү | вики-текстны үзгәртү]Марат Закир — шигърият һәм проза жанрларында бердәй актив эшләүче каләм әһеле. Беренче әсәрләре татар балалар матбугатында 1983 елдан басыла башлый. Хикәяләре, повестьлары һәм шигырьләре аша билгеле. «Канлы болыт» исемле хикәясе «Татар хикәясе антологиясе»ндә (2003), ике хикәясе «Современная татарская проза» антологиясендә (2007) басылган. 2005 елда «Кояшлы төн» исемле беренче шигырләр китабы (ТКН) дөнья күрә.
Бүләкләре, мактаулы исемнәре
[үзгәртү | вики-текстны үзгәртү]- 1995 Шәйхи Маннур премиясе — «әдәби казанышлары өчен».
- 2008 Саҗидә Сөләйманова премиясе — «Кояшлы төн» (2005, ТКН) китабы өчен кызыксындыру премиясе.
Әдәбият
[үзгәртү | вики-текстны үзгәртү]- Хуҗин М. Үзенчә. «Казан утлары», 2001 ел, № 11, 43–44 б.
- Әдипләребез. Биобиблиографик белешмәлек. К.: ТКН, 2009.
Сылтамалар
[үзгәртү | вики-текстны үзгәртү]- Марат Закир.(үле сылтама) ТР язучылар берлеге сайты
- Марат Закиров. 2018 елның 29 сентябрь көнендә архивланган. «Әдипләр» (Әхмәт Дусайлының шәхси порталы)
- Закиров Марат. Adiplar.narod.ru онлайн энциклопедиясе
Искәрмәләр
[үзгәртү | вики-текстны үзгәртү]Text is available under the CC BY-SA 4.0 license; additional terms may apply.
Images, videos and audio are available under their respective licenses.
