Леонид Слуцкий
![]() | |
Җенес | ир-ат |
---|---|
Ватандашлык |
![]() |
Кайсы ил өчен чыгыш ясый |
![]() ![]() |
Туу датасы | 4 май 1971 (53 яшь) |
Туу урыны | Волгоград, РСФСР, СССР |
Һөнәр төре | футболчы, футбол тренеры, тренер |
Такымда позициясе | капкачы[d] |
Әлма-матер | Волгоград дәүләт физик мәдәният академиясе[d] |
Академик дәрәҗә | педагогия фәннәре нәмзәте[d] |
Спорт такымы әгъзасы | ЦСКА, Звезда[d], Уралан[d], Москва[d], Крылья Советов, Русия милли аяк тубы җыелмасы, Витесс[d], Һалл Сити[d] һәм Олимпия[d] |
Спорт такымында тренер | Һалл Сити[d], Олимпия[d], Уралан[d], Москва[d], Крылья Советов, ЦСКА, Русия милли аяк тубы җыелмасы һәм Витесс[d] |
Спорт төре | футбол[1] |
Бүләкләр | |
Биеклек / буй | 181 сантиметр |
![]() |
Леонид Викторович Слуцкий (1971 елның 4 мае, Волгоград) — Россия футбол тренеры, «Рубин» клубының баш тренеры. Россиянең атказанган тренеры (2013)[2]. Педагогика фәннәре кандидаты.
Яшь чагында футболчы була, капкачы позициясендә уйный. 2009—2016 елларда ЦСКАның баш тренеры, клуб белән өч тапкыр Россия чемпионатын (2013, 2014, 2016), ике тапкыр Россия Кубогын (2011, 2013) һәм Россия суперкубогын (2013, 2014) ота. 2015—2016 елларда Россия җыелма командасының баш тренеры була. Футбол комментаторы буларак эшләү тәҗрибәсе бар.
Уенчы карьерасы
[үзгәртү | вики-текстны үзгәртү]Леонид Слуцкий футбол белән «Спартак» стадионында футбол мәктәбендә өченче сыйныфтан бирле шөгыльләнә[3]. Мәктәпне тәмамлаганнан соң, Волгоград дәүләт физик культура институтына укырга керә һәм шул үк вакытта капкачы позициясендә уйный башлый. Яңа гына төзелгән Городище шәһәренең «Звезда» командасы белән 13 матч уйнап, тән җәрәхәтләре ала, шуннан соң зур футболга кире кайта алмый.
Тренер карьерасы
[үзгәртү | вики-текстны үзгәртү]«Олимпия» (Волгоград)
[үзгәртү | вики-текстны үзгәртү]Волгоград дәүләт физик культура институтын кызыл диплом белән тәмамлап, аспирантурага укырга керә. Аспирантураны, барлык кандидатлык минимумнарын «бишле»гә тапшырып тәмамлый. 2009 елда ул «Ярышлар хәрәкәте эшчәнлеген контрольдә тоту нигезендә футболчыларны физик әзерләү белән идарә итү» темасына диссертация яклый.
1993 елда, 22 яшендә, тренер карьерасын Волгоград шәһәренең «Олимп» командасындагы 12 яшьлек футболчылар төркеме белән башлый[4][5]. Бу командада ул Роман Адамов, Денис Колодин, Виталий Казанцев, Андрей Бочков, Максим Бурченко, Алексей Жданов һәм Василий Чернов кебек танылган футболчыларны үстерә. 1999 елда клуб КФК беренчелегенең «Көньяк» зонасында беренче урынны ала, Псковтагы турнир финалында дүртенче урынны ала һәм КФК арасында Россия Кубогын отты. «Олимпия» икенче дивизионда чыгыш ясау хокукына иреште.
2000 елның 3 июлендә «Светотехника» (Саранск) — «Олимпия» (3:2)[6] икенче дивизион матчы вакытында берничә җитди хата җибәргән Чабаксардан килгән матчның баш арбитры Николай Павловка суга, шуның өчен КДК Бюросы Слуцкийны ярты елга (сезон азагына кадәр) дисквалификацияләү карары кабул итә. Павлов[7] матчларның баш арбитры сыйфатында профессиональ дәрәҗәдә башка хезмәт күрсәтми[8][9].
«Олимпия»дән киткәннән соң ярты ел «Динамо» (Краснодар крае) һәвәскәрләр командасында эшли[10].
«Уралан»
[үзгәртү | вики-текстны үзгәртү]2001 елда Элистаның «Уралан» командасының баш тренеры Сергей Павлов Слуцкийга команданың кабатлаучы составын җитәкләргә тәкъдим итә. 2002 елда кабатлаучылар арасында чемпионатта 3 нче, ә 2003 елда 2 нче урынны ала. 2003 елда, «Уралан» югары дивизионнан төшеп калгач, клубның баш тренеры Игорь Шалимовны алыштыра. «Уралан» таркалганнан соң Слуцкийга «Мәскәү» команданың кабатлаучы составында баш тренер урынын тәкъдим итәләр.
«Мәскәү»
[үзгәртү | вики-текстны үзгәртү]2005 елның июлендә Слуцкий «Москва» төп командасының баш тренеры Валерий Петраковны алыштыра. Беренче матчта ук команда Мәскәүнең «Спартак» командасын 3:1 исәбе белән җиңә. 2007 ел сезонында клуб соңгы турга кадәр үз тарихында беренче тапкыр медальләргә дәгъва итә һәм ил Кубогы финалына җитә. Әмма йомгаклау таблицасында 4 нче урын да, УЕФА Кубогында чыгыш ясау хокукы да, клуб җитәкчелегенә чемпионат тәмамлангач, тренер белән 2010 елга кадәр исәпләнгән контрактны өзәргә комачауламый[11][12].
«Крылья Советов»
[үзгәртү | вики-текстны үзгәртү]2007 елның ноябрендә, «Крылья Советов» клубында милекче һәм бөтен җитәкчелек алышынганнан соң, Слуцкий, Александр Тархановны алмаштырып, команданың яңа баш тренеры була. 21 декабрьдә Леонид Слуцкий «Крылья Советов» белән өч еллык контрактка кул куя һәм беренче сезонда ук алар белән Россия чемпионатында 6 нчы урынга лаек була. 2009 елның 9 октябрендә Слуцкий «Крылья Советов»тан үз теләге белән эштән китү турында гариза яза. Гариза клуб президенты Игорь Завьялов тарафыннан кабул ителә.
ЦСКА
[үзгәртү | вики-текстны үзгәртү]2009 елның 26 октябрендә Мәскәү ЦСКА клубынын баш тренеры итеп билгеләнә[13], контрактка 3+2 схемасы буенча кул куела[14]. 30 октябрьдә баш тренер сыйфатында дебют ясый — 2009 елгы Футбол буенча Россия чемпионатының 27 нче туры кысаларында ЦСКА клубы «Терек»ны кабул итә һәм 1:0 исәбе белән җиңү яулый. Аннары Чемпионнар лигасында ЦСКА «Манчестер Юнайтед» белән «Олд Трәфорд» стадионында уйный, уен 3:3 исәбе белән тәмамлана. Россия чемпионатында ЦСКА нәтиҗәдә бишенче урын ала.
УЕФА Чемпионнар лигасының 1/8 финалында ЦСКА «Севилья»ны үз кырында 1:1 исәбенә уйнап, кунакта 1:2 исәбенә отып, 1/4 финалга чыга, анда ике тапкыр «Интер» га 0:1 исәбенә отыла.
2010 елгы Россия чемпионатында Слуцкий спортчылары 2 нче урынны, ә киләсе елда 3 нче урынны ала. 2011 елның 22 маенда ЦСКА үзенең алтынчы Россия Кубогын яулый, ул Леонид Слуцкийның беренче трофее була.
2016 елның 6 декабрендә Слуцкий клубыннан үз теләге белән китүе турында игълан итә[15].
Россия Җыелма Командасы
[үзгәртү | вики-текстны үзгәртү]![](https://upload.wikimedia.org/wikipedia/commons/thumb/e/ef/Russia-Croatia15_%2812%29.jpg/200px-Russia-Croatia15_%2812%29.jpg)
2015 елның 7 августында Слуцкий, Евро-2016 сайлап алу турниры тәмамланганчы, Россия җыелма командасының баш тренеры вазифасына билгеләнә, шул ук вакытта ЦСКАның баш тренеры булып кала[16]. 2015 елның 5 сентябрендә Слуцкий җитәкчелегендәге беренче матчта Россия җыелма командасы Евро-2016 сайлап алу турнирында Швеция командасын 1:0 исәбе белән җиңә. 8 сентябрьдә икенче сайлап алу матчында Россия җыелма командасы Лихтенштейн командасын 7:0 исәбе белән җиңә һәм 1995 елның нәтиҗәлелек рекордын кабатлый. Нәтиҗәдә, җыелма команда төркемдә икенче урынны ала һәм Евро-2016ның финал өлешенә чыга, ә Слуцкий ЦСКА һәм Россия җыелма командасы тренеры постларын Евроның финал стадиясе азагына кадәр берләштерә[17].
Евро-2016да Россия җыелма командасы Англия, Словакия һәм Уэльс белән бер төркемгә эләгә. 11 июньдә беренче матчта җыелма команда Англия белән 1:1 исәбе белән тигез исәпкә уйный. 15 июньдә Словакиягә 1:2 исәбе белән оттыра. Слуцкий концентрацияне югалтуның сәбәбе дип атый[18]. 20 июньдә Уэльс җыелма командасы белән хәлиткеч уен 0:3 исәбе белән тәмамлана, өстәвенә, ике туп матчның беренче 20 минутында кертелә[19]. Нәтиҗәдә, Россия җыелма командасы төркемдә соңгы урынны яулый. Россия спорт министры Виталий Мутко Россия җыелма командасының Уэльс белән уенда җиңүгә өмете дә юк иде, дип белдерә[19]. 2016 елның 30 июнендә Слуцкий Россия җыелма командасының баш тренеры вазифасыннан китә[20].
«Халл Сити»
[үзгәртү | вики-текстны үзгәртү]2016/17 кышын Слуцкий Россия бизнесмены, «Челси» хуҗасы Роман Абрамович ярдәме белән Лондонда яши башлый. Тренер үз алдына инглиз телен өйрәнү һәм Премьер-лига яки Чемпионшип клубында эш алу максатын куя[21]. 2017 елның июнь башында Британия гаммәви мәгълүмат чараларында Слуцкий «Халл Сити» клубын җитәкләячәк дигән мәгълүмат барлыкка килә[22][23]. 9 июньдә «Халл Сити» Слуцкийны баш тренер итеп билгеләү турында игълан итә[24]. Аның алдына команданы Премьер-лигага кайтару бурычы куела[25].
2017 елның 5 августында «Халл Сити» Слуцкий җитәкчелегендә беренче матч уздыра, ул «Астон Вилла» белән кунакта 1:1 исәбе белән уйный. 2017 елның 3 декабрендә клуб белән тренерның контракты өзелә. Бу вакытка «Халл» 19 очко җыя һәм 24 мөмкин урыннан 20 нче урынны ала. Бу вакыт эчендә команда 4 тапкыр җиңү яулый һәм 9 тапкыр җиңелә[26].
«Витесс»
[үзгәртү | вики-текстны үзгәртү]2018 елның 9 мартында Нидерландның «Витесс» клубының техник директоры Марк ван Хинтум De Telegraaf басмасына Слуцкий белән принципиаль килешүгә ирешүен раслый[27]. Слуцкий «Витесс»та 2017/18 сезоныннан соң эшли башлаячак, ул Нидерланд чемпионатында беренче Россия тренеры булачагы билгеле була[28][29]. Слуцкийны клубка команданың хуҗасы — Россия эшмәкәре Александр Чигирин чакыра[30]. 2018 елның 12 мартында Слуцкий клуб белән контрактка кул куя. Килешү 2018 елның җәендә үз көченә керә һәм ике елга исәпләнә[31].
2018 елның 27 маенда клубның матбугат хезмәте Слуцкий һәм аның ярдәмчесе Олег Яровинский Нидерландыда эшкә рөхсәт ала, дип хәбәр итә. Слуцкий 2018 елның 24 июнендә «Витесс» командасы белән беренче тренировка үткәрә[32][33][34]. 2018 елның 26 июлендә клуб «Вииторул» командасы белән Европа Лигасы квалификациясенең икенче раундында беренче матч уздыра һәм 2:2 исәбе белән уйный.
2019 елның февралендә Слуцкий клубның уңышсыз чыгышларыннан соң, үз адресына җитди тәнкыйтькә дучар була, ул чакта «Витесс»ның дүрт матчыннан өчсен оттыра[35].
Слуцкий 2019 елның 30 ноябрендә «Херенвен» белән матчта (2:3) оттырганнан соң отставкага китә[36].
«Рубин»
[үзгәртү | вики-текстны үзгәртү]2019 елның 19 декабрендә Слуцкий «Рубин»ны рәсми рәвештә җитәкли[37][38]. Слуцкий килгәнгә кадәр, «Рубин» турнир таблицасында үз активында 19 матчтан соң 19 очко белән 13 нче урында барган. Слуцкий штабына тренер Олег Кузьмин, капкачыларның тренеры Сергей Козко һәм элек клубта Корбан Бердыев һәм Роман Шаронов белән эшләгән физик әзерлек буенча тренер Хавьер Нойя Сальсес керә. Сезон ахырына кадәр Слуцкий җитәкчелегендә «Рубин» командасы ун матч үткәрә һәм сезон турнир таблицасында 10 нчы урында тәмамлый. 2022 елның 15 ноябреннән үз теләге белән тренер вазыйфасыннан китә[39].
Шәхси тормыш
[үзгәртү | вики-текстны үзгәртү]Әтисе — бокс буенча спорт мастеры, Леонидка 6 яшь булганда вафат була.
Әнисе — тәрбияче, соңыннан балалар бакчасы мөдире. Бертуганы Дмитрий бар.
Элеккеге хатыны (2004—2018) — Ирина, улы-Дмитрий (2005)[40], LeWeight тәхәллүсе астында чыгыш ясаучы рэп-башкаручы[41].
Казаныш
[үзгәртү | вики-текстны үзгәртү]Команда
[үзгәртү | вики-текстны үзгәртү]- Россия Чемпионы (3): 2012/13, 2013/14, 2015/16
- Россия Кубогы Иясе (2): 2010/11, 2012/13
- Россия Суперкубогы Иясе (2): 2013, 2014
- Россия чемпионатының көмеш призеры (3): 2010, 2014/15, 2016/17
- Россия чемпионатының бакыр призеры: 2011/12
- Барлыгы: 7 трофей
Шәхси
[үзгәртү | вики-текстны үзгәртү]- Россиянең атказанган тренеры
- Иң яхшы Ел тренеры РФС версиясе буенча (3): 2012/13, 2013/14, 2015/16[42][43].
Искәрмәләр
[үзгәртү | вики-текстны үзгәртү]- ↑ FootballFacts.ru
- ↑ Слуцкий получил звание заслуженного тренера России
- ↑ Леонид Слуцкий: путь к сборной России по футболу
- ↑ Отделение футбола, archived from the original on 2021-01-16, retrieved 2021-01-18
- ↑ Слуцкий и «Олимпия». От первых побед до сожжённой машины
- ↑ Протокол матча на Sportbox.ru 2021 елның 29 гыйнвар көнендә архивланган.
- ↑ Павлов Николай Вениаминович на сайте Footballfacts.ru
- ↑ Наставник «Лады» Гармашов отстранен на две игры, а тренер «Олимпии» Слуцкий — до конца сезона
- ↑ 20 лет назад Слуцкий в Саранске избил судью
- ↑ ЛЕОНИД СЛУЦКИЙ: «В СЕМЬ ЛЕТ ЕДВА НЕ УТОНУЛ»
- ↑ Попрощались, обнялись… 2007 елның 13 декабрь көнендә архивланган. // «Спорт-Экспресс», 12 ноября 2007 года
- ↑ ФК «Москва» предложил Леониду Слуцкому поискать другую работу // NEWSru.com, 6 ноября 2007
- ↑ Слуцкий назначен главным тренером ЦСКА 2009 елның 29 октябрь көнендә архивланган.
- ↑ Бабаев: контракт со Слуцким рассчитан на три года. әлеге чыганактан 2009-10-28 архивланды. 2009-10-26 тикшерелгән.
- ↑ Леонид Слуцкий покидает ПФК ЦСКА
- ↑ Леонид Слуцкий — главный тренер сборной России по футболу
- ↑ Слуцкий продолжит совмещать посты в ЦСКА и сборной РФ до конца финальной стадии Евро
- ↑ Леонид Слуцкий назвал причину поражения от Словакии на Евро-2016
- ↑ 19,0 19,1 «Мутко о проигрыше России на Евро-2016: у нас не было даже шансов»
- ↑ Леонид Слуцкий покидает сборную России
- ↑ «Знаю, моя фамилия звучит смешно». Что Слуцкий рассказал англичанам, archived from the original on 2017-10-16, retrieved 2021-01-18
- ↑ «ПУСТЬ ФАНАТЫ УМИРАЮТ, КОГДА ЗАХОТЯТ». КУДА ЗОВУТ СЛУЦКОГО
- ↑ ПЕРВЫЙ ЭКЗАМЕН СЛУЦКОГО — «ОКСФОРД». ЧТО ЖДЕТ ТРЕНЕРА В «ХАЛЛЕ»
- ↑ «Халл Сити» объявил о назначении Слуцкого на пост главного тренера
- ↑ (({башлык))} // Коммерсантъ.
- ↑ В «ХАЛЛЕ» ОБЪЯСНИЛИ ПРИЧИНУ ОТСТАВКИ СЛУЦКОГО
- ↑ Vitesse akkoord met Rus Slutsky | Sport | Telegraaf.nl. www.telegraaf.nl. 2018-03-09 тикшерелгән.
- ↑ Бывший главный тренер сборной России Леонид Слуцкий возглавит команду из чемпионата Нидерландов (рус.), Meduza. 9 март 2018 тикшерелде.
- ↑ Леонид Слуцкий согласовал контракт с «Витессом». РБК. 2018-03-09 тикшерелгән.
- ↑ Самый русский клуб Европы. Леонид Слуцкий собрался в «Витесс»
- ↑ VITESSE TEKENT CONTRACT MET VOORMALIG BONDSCOACH RUSLAND LEONID SLUTSKIY
- ↑ Первая тренировка ФК "Витесс" под руководством Слуцкого пройдет 24 июня (рус.), ТАСС. 29 май 2018 тикшерелде.
- ↑ В «Витесс» сообщили, когда Слуцкий проведёт первую тренировку в качестве главного тренера команды (рус.), RT на русском. 29 май 2018 тикшерелде.
- ↑ Калып:Cite
- ↑ Защитник «Витесса» Бюттнер вступился за Слуцкого.
- ↑ Слуцкий подал в отставку. Зарубежная карьера окончена?
- ↑ Официально: Слуцкий возглавил «Рубин». ReadFootball. 2019-12-19 тикшерелгән.
- ↑ ФК РУБИН. www.rubin-kazan.ru. әлеге чыганактан 2019-12-19 архивланды. 2019-12-19 тикшерелгән.
- ↑ Слуцкий покинул пост главного тренера ФК «Рубин». Казанский репортер. әлеге чыганактан 2022-11-15 архивланды. 2022-11-15 тикшерелгән.
- ↑ Леонид Слуцкий не смог отвести сына в первый класс из-за тренировки сборной России
- ↑ Слуцкий опубликовал ролик, где он читает рэп. И призвал своего сына брать пример(рус.)
- ↑ Слуцкий — лучший тренер сезона по версии РФС
- ↑ РФС признал лучшим футболистом года Смолова, тренером — Слуцкого
Әдәбият
[үзгәртү | вики-текстны үзгәртү]- Рабинер И. Я. Леонид Слуцкий. Тренер из соседнего двора. — М.: Издательство «Э», 2016. — 608 с. — ISBN 978-5-699-89126-9.
Сылтамалар
[үзгәртү | вики-текстны үзгәртү]- Блог Леонида Слуцкого на Sports.ru (до мая 2009)
Инфраструктура | ||
---|---|---|
Башка клублар | ||
Танылган шәхесләр | ||
Уенчылар | 1 Медведев (к) • 2 Тесленко • 3 Тальби • 4 Бегич • 7 Бакаев • 8 Ломовицкий • 10 Онугха • 13 Климов • 14 Костюков • 18 Апшацев • 20 В. Игнатьев • 22 Дюпин (к) • 23 Зуев • 28 Абильдгор • 31 Зотов • 38 Мусаев • 44 Лисакович • 56 Фәттахов • 77 Самошников • 85 Кузнецов • 97 Нижегородов • 98 Кучаев • Грицаенко • Евтич • Дрейер • И. Игнатьев • Кварацхелия • Коновалов • Косарев • Уремович • Хакшабанович • Хван Ин Бом |
Text is available under the CC BY-SA 4.0 license; additional terms may apply.
Images, videos and audio are available under their respective licenses.