Йоргос Даларас
| Йоргос Даларас | |
|---|---|
 | |
| Туган телдә исем | грек. Γιώργος Νταλάρας |
| Туган | 29 сентябрь 1949[1] (74 яшь) Пирей[d], Греция |
| Ватандашлыгы |  Греция Кипр |
| Һөнәре | җырчы, музыкачы, композитор, коралчы, аранжировщик, студийный музыкант, музыка продюсеры |
| Җефет | Anna Dalara[d] |
| Балалар | Georgianna Dalara[d] |
| Ата-ана |
|
Йоргос (Георгиос) Даларас (грек. Γιώργος Νταλάρας, МФА: [ˈʝɔɾɣɔs daˈlaɾas], 29 сентябрь 1949 ел, Пирей) — грек музыканты, композитор, җырчы.
Биографиясе
[үзгәртү | вики-текстны үзгәртү]Йоргос (Георгиос) Даларас музыкант гаиләсендә туып үсә. Атасы — Лукас Даларас[2][3] — рембетика жанрында төп музыкантларның берсе. Йоргос Даларас «Сту Стелаки» клубында бузукида уйнап, атасының тәүге җырын яздыра. 1967 елда яздырылган «Προσμονή» трегы яшь җырчыга профессиональ сәхнәгә чыгу өчен пропуск була — тиздән ул Афинада клуб хуҗасы Мацас Макис белән контракт төзи. Бер елдан Даларас Манос Лоизос һәм Йоргос Мицакис белән эшли, шулай ук үзенең тәүге альбомын яздыра.
Даларас карьерасының үсеше 1974 елда башлана, җырчы МикисТеодоракисның җырларын башкара, һәм рембетика музыкантлары белән тыгыз бәйләнештә эшли башлый, алар белән бергә бу жанрның 50 еллыгына багышланган проектлар өстендә эшли. 1983 елда Афинада олимпия стадионындагы һәм Орфей театрындагы концертлар зур уңышка ия була — 100 меңнән артык билет сатыла.
Йоргос Даларас 1980 еллар башында, Парижда Олимпия концерт-холл сәхнәсендә, Брюсселдә аурупа фестивалендә, Мәскәүдә яшьләр фестивалендә чыгыш ясап (1985), дөньяда дан казана. 1981-1982 елларның кышында режиссер Пантелис Вулгарис куйган «Super Star» куелышы үтә, анда шулай ук Гликерий һәм Маргарита Зорбала катнаша. Аларның репертуарында күбрәк халык җырлары һәм иҗтимагый-сәяси тематикалы җырлар була. Бигрәк тә аның кипр мәсьәләсендә катнашуы мөһим була.
1994—1995 елларда Даларас Аттик Одеон Геродта һәм Афина «Мегарон» концерт холлында, Лондон стадионы Уэмблдә һәм Чикаго сәхнәсендә Микис Теодоракиска багышланган зур концертларда катнаша.
Йоргос Даларас белән хезмәттәшлек иткән музыкантлар арасында грек рембетик музыкантлары гына түгел, атап әйткәндә, Протопсалти Алкистис, шулай ук чит ил йолдызлары, мәсәлән, Пако де Лусия, Эл Ди Меола, Ариэль Рамирес, Апостолис Антимос, Брюс Спрингстин, Питер Гэбриэл, Горан Бреговичлар да бар.
Искәрмәләр
[үзгәртү | вики-текстны үзгәртү]- ↑ Internet Movie Database — 1990.
- ↑ Γιώργος Νταλάρας: ΄Οπως δεν τον ξέρει κανείς
- ↑ МВД Греции 2010 елның 13 февраль көнендә архивланган.
Сылтамалар
[үзгәртү | вики-текстны үзгәртү]- Калып:Music.yandex
- Официальная страница
- GEORGE DALARAS UNOFFICIAL
Text is available under the CC BY-SA 4.0 license; additional terms may apply.
Images, videos and audio are available under their respective licenses.
