Somarelang Tikologo ke mokgatlho o o kwa Gaborone, Botswana. Mokgatlho o ikaeletse go rotloetsa tshireletso ya tikologo e e tswelelang pele ka go ruta, go bontsha le go rotloetsa mekgwa e e thusang mo thulaganyong ya tikologo, tshomarelo ya didirisiwa le tsamaiso ya matlakala kwa Botswana.

Somarelang Tikologo e na le badiri ba le mmalwa le baithaopi ba ba dirang ditiro tse dintsi tsa go tlhagisa ka tikologo mo setšhabeng ngwaga le ngwaga.

Somarelang Tikologo e simolotswe ka 1991 ke barubagolo ba le bararo ba Mmadikolo wa Botswana, ka ntlha ya go tshwenyega ka seemo sa tikologo ya Gaborone. Barubagolo bano ba ne ba tsamaisa ditiro tsa go Somarelang Tikologo go tswa mo diofising tsa bone ngwaga o le mongwe.

Ka 1994 Somarelang Tikologo e ne ya kwadisiwa semmuso jaaka Mokgatlho. Kopano ya Ntlha ya Ngwaga le Ngwaga e ne ya tshwarwa ka Mopitlwe 1995, e mo go yone Komiti ya Ntlha e neng ya tlhophiwa le go atlholwa ga dituelo tsa maloko.

Gompieno, Somarelang Tikologo e na le maloko a a fetang 500, maloko a koporase a le 50 le maloko a Mafaratlhatlha a le 22 a a tshegetsang mafaratlhatlha a yone kwa Botswana.

Lefatshe la Botswana ga le ise le tlhome molao o o laolang go kgobokanya didirisiwa tse di ka dirisiwang gape. Ka jalo, selekanyo sa matlakala se kwa godimo thata. Somarelang Tikologo e rotloetsa tsamaiso ya go tsamaisa matlakala e e tumileng lefatshe ka bophara ya go fokotsa matakala, go a dirisa gape, go dirisa sesha ka one, ka maikaelelo a go fitlhelela go latlha matlakala a a babalesegileng le a a siameng ka go tlhoma mogopolo mo go a diriseng sesha. Mokgwa ono wa go laola matlakala o ikaeletse go boloka le go sireletsa metswedi ya tlholego e e lekanyeditsweng le e e bokoa, go boloka tikologo e e itekanetseng le e e phepa, le tikologo e e siametseng tlhabololo e e tswelelang pele.

Somarelang Tikologo e nale lefelo le koo mongwe le mongwe kwa Gaborone a ka latlhelang didirisiwa tse di ka dirisiwang gape. Fa di setse di rulagantswe, dipolasetiki le galase di isiwa ka dilori go ya kwa mafelong a go dira dilo sesha kwa Aforika Borwa mme dipampiri tsotlhe di isiwa kwa mafelong a a dirisiwang sesha kwa Zimbabwe. Madi a go tsamaisa didirisiwa tsotlhe tse di ka dirisiwang gape ka tsela eno a ntshiwa ke Kgalagadi Beverages Trust.

Somarelang Tikologo e dira diporojeke tsa pontsho kwa dikolong tsa selegae kwa Gaborone, mmogo le matsholo a go tlhagisa batho mo nageng yotlhe go ruta Botswana ka botlhokwa jwa go somarela didirisiwa tseno. Ditlhogo tse di itsegeng tsa thuto di akaretsa go oketsa bokgoni jo didirisiwa di dirisiwang ka jone mmogo le go netefatsa tekatekano mo go abiweng ga tse di bonweng ka go dirisa didirisiwa tse di umakilweng.

Komiti ya thulaganyo ya Somarela Tikologo e ikaeletse go rotloetsa go kopanngwa ga dikgang tsa tikologo mo toropokgolo Gaborone le Botswana otlhe. Seno se akaretsa dikgang tse di amanang le mafelo a a bulegileng a botlhe, temothuo ya ditoropokgolo, dipalangwa tsa botlhe, mafelo a boitapoloso, le go nna le seabe ga setšhaba mo tsamaisong ya go dira ditshwetso.

Somarelang Tikologo jaanong e tlhabolola Phaka ya Tikologo.

Komiti ya Somarelang Tikologo ya go Phutha Madi, Dikamano tsa Setshaba (PR) e neela lefelo maloko a Somarelang tikologo go tlhalosa matshwenyego a bone malebana le seemo sa tikologo ya Botswana, le go nna le seabe mo go direng phetogo e e siameng mo seemong sa tikologo ya Botswana ka ditiro tse di farologaneng.

Somarelang Tikologo e mo teng ga phaka ya setšhaba kwa Plot 3491 Ext 4 kwa Gaborone, Botswana. Phaka eno e ne ya bulwa semmuso ke Tona wa Tikologo, Diphologolo tsa Naga le Bojanala jwa Botswana, Onkokame kitso Mokaila ka Thakole 27, 2009. Phaka ka boyone e na le dikarolo tse tlhano tse dikgolo: Lefelo la metshameko la bana, Lebentlele le le tlala, Tsimo ya setšhaba, Lefelo la matlakala a ka dirisiwang gape, le Eco Cafe.