మజిలీ (సినిమా)
వికీపీడియా నుండి
మజిలీ | |
---|---|
దర్శకత్వం | శివ నిర్వాణ |
రచన | శివ నిర్వాణ |
నిర్మాత | సాహు గారపాటి హరీష్ పెద్ది సుశీల్ చౌదరి |
తారాగణం | అక్కినేని నాగచైతన్య, సమంత |
ఛాయాగ్రహణం | విష్ణు శర్మ |
కూర్పు | ప్రవీణ్ పూడి |
సంగీతం | గోపీ సుందర్ నేపథ్య సంగీతం:ఎస్.ఎస్. తమన్ |
విడుదల తేదీ | 4 April 2019 |
సినిమా నిడివి | 154 నిమిషాలు |
దేశం | భారతదేశం |
భాష | తెలుగు |
బాక్సాఫీసు | ₹66 crore (US$8.3 million) |
మజిలీ 2019లో శివ నిర్వాణ దర్శకత్వం వహించిన ప్రేమకథా చిత్రం. ఈ సినిమాను సాహు గారపాటి, హరీష్ పెద్ది, సుశీల్ చౌదరి నిర్మించారు. నాగ చైతన్య , సమంత ప్రధాన పాత్రలలో నటించారు. చైతన్య, సమంతా గతంలో ఏం మాయ చేసావె, మనం, ఆటోనగర్ సూర్యాలలో కలిసి పనిచేశారు. ఈ చిత్రం పెళ్లి చేసుకున్న తర్వాత వారి మొట్టమొదటి చిత్రం . ప్రేక్షకుల విమర్శకుల నుండి ఈ చిత్రం సానుకూల ప్రతిస్పందన పొందింది.
తారాగణం
[మార్చు]- అక్కినేని నాగచైతన్య
- సమంత
- దివ్యాంశ కౌశిక్
- రావు రమేష్
- పోసాని కృష్ణమురళి
- మీరా గా అనన్య అగర్వాల్
- అంకిత్ కొయ్య
పాటల జాబితా
[మార్చు]- వన్ బాయ్ వన్ గర్ల్ , రచన: భాస్కర భట్ల రవికుమార్, గానం. రేవంత్
- ప్రియతమా ప్రియతమా, రచన: చైతన్య ప్రసాద్, గానం. చిన్మయి శ్రీపాద
- నా గుండెల్లో , రచన: రాంబాబు గోసల, గానం. యాజీన్ నిజార్ , నికిత గాంధీ
- ఏడేత్తు మల్లెలే, రచన: శివ నిర్వాన, గానం. కాలభైరవ, నికిత గాంధీ
- ఏ మనిషికి మజిలీయో, రచన: వనమాలి , గానం. అరుణ్ గోపన్, చిన్మయి శ్రీపాద, బేబీ అనూష
- మాయా మాయ, రచన: భాస్కర భట్ల రవికుమార్, గానం. అనురాగ్ కులకర్ణి.
కథ
[మార్చు]పూర్ణ (నాగచైతన్య) ఐటీఐ చదువుతూ ఎలాగైన రైల్వేస్ టీమ్లో క్రికెటర్గా స్థానం సంపాదించాలని ప్రాక్టీస్ చేస్తుంటాడు. ఓ గొడవ కారణంగా పరిచయం అయిన అన్షు (దివ్యాంశ కౌశిక్)తో పూర్ణ ప్రేమలో పడతాడు. కానీ పెద్దలు వారి ప్రేమకు అడ్డు చెప్తారు. అన్షును తన పేరెంట్స్ పూర్ణకు దూరంగా తీసుకెళ్లిపోతారు. అన్షు దూరమైందన్న బాధలో పూర్ణ కెరీర్ను కూడా వదిలేసి తాగుబోతులా తయారవుతాడు. ఆ సమయంలో కుటుంబ పరిస్థితుల కారణంగా పూర్ణ. శ్రావణి (సమంత)ని పెళ్లి చేసుకోవాల్సి వస్తుంది. తండ్రి కోసం పెళ్లి చేసుకున్నా. ఏ రోజూ శ్రావణిని భార్యగా దగ్గరికి తీసుకోడు. శ్రావణి మాత్రం తన భర్త ఏ రోజుకైనా మారతాడన్న నమ్మకంతో ఉంటుంది. చివరకు పూర్ణ, శ్రావణికి ఎలా దగ్గరయ్యాడు, పూర్ణలో మార్పుకు కారణం ఏంటి అన్నదే మిగతా కథ.[1][2]
మూలాలు
[మార్చు]- ↑ "'మజిలీ' మూవీ రివ్యూ". Sakshi. 2019-04-05. Retrieved 2020-02-15.
- ↑ A, Rajababu (2019-04-05). "మజిలీ సినిమా రివ్యూ అండ్ రేటింగ్". telugu.filmibeat.com. Archived from the original on 2020-02-15. Retrieved 2020-02-15.
Text is available under the CC BY-SA 4.0 license; additional terms may apply.
Images, videos and audio are available under their respective licenses.