.కాళి బేయ్న్ అనేది పంజాబ్ రాష్ట్రంలో గల ఒక నీటి ప్రవాహం.ఈ ప్రవాహం హరికే దగ్గర బియాస్, సట్లెజ్ నదులలో కలుస్తుంది. గురు నానక్ ఈ నీటి ప్రవాహంలో మునగటం వలన జ్ఞానాన్ని పొందాడని విశ్వసిస్తారు. 2000లో హరిత విప్లవం సమయానికి ఈ కాలువ కలుషితంగా ఉంది. తరువాత బల్బిర్ సింగ్ షెచ్వాల్ పోరాటంతో ఈ కాలువ శుభ్రపడింది.

కాళి బేయ్న్ అంటే నల్లని నది అని అర్ధం.^[1]ఈ నీటిలో ఉండే మినరల్స్ నల్లని రంగును ప్రతిభింబిస్తాయి కావున దీనికి కాళి అనే పేరు వచ్చింది.^[2] పంజాబీ పదమైన బేయ్న్ సంస్క్రత పదం వేణి నుండి వచ్చింది అంటే నీటి ప్రవాహం అని అర్ధం.^[3]

పంజాబ్ రాష్ట్రంలోని, దసుయా తాలూకాలోని, ధోనయా గ్రామం నుండి ఆవిర్భవించింది ఈ నది. ఓధ్రా రివుల్ట్, ముకెరియన్ హైడల్ కెనాళ్ళ నుంచి వచ్చే నీరే ఈ నదికి ప్రధాన ఆధారం. 160కి.మీలు ప్రయాణించి హరికె పట్టన్ ప్రాంతం వద్ద బియాస్, సట్లజ్ నదుల్లో కలుస్తుంది ఇది.^[4] హోషియర్పూర్ ప్రాంతంలో ఈ నదిని పడమర బేయ్న్ అని అంటారు. హోషియర్పూర్, కపుర్తలా మండలాల్లో కాళి బేయ్న్ నది బియాస్ నదికి సమాంతరంగా ప్రవహిస్తుంది. ఈ నది లోతు 1.5 నుండి 3 మీటర్లు ఉంటుంది.^[5] అక్బర్ రాజ్యం చేస్తున్న సమయంలో ఈ నదికి ఇటుకలతో ప్రహరీ కట్టారు.^[4] చోటి బేయ్న్ అనే నది కాళీ బేయ్న్ కు ఉపనది.^[6] కాళి బేయ్న్ నది హోషియార్పూర్, కపుర్తల, జలంధర్ మండలాల్లో ప్రవహిస్తోంది. ఈ నది ఒడ్డున కపుర్తల, సుల్తాన్ పూర్ లోధి వంటి నగరాలు ఉన్నాయి.^[7] తెర్కియానా దగ్గర ఉన్న ముకేరియన్ హైడెల్ చానల్ ఈ నది నీటి ప్రవాహాన్ని నియంత్రించడానికి నిర్మించారు.^[8]

సంత్ బల్బీర్ 2000 సంవత్సరంలో మొదలెట్టిన కరసేవ కార్యక్రమం ఉదృతం అయ్యి 2003 వరకూ సాగటంతో వత్తిడీ అధికమై పంజాబ్ ప్రభుత్వం ఈ నది శుభ్రతకు నడుకట్టింది. నది తీరం వెంబడి శుభ్రపరచి, అనేక ఘాట్లు నిర్మించింది.

1. ↑ "Sultanpur Lodhi: the site where Guru Nanak attained enlightenment". TwoCircles.net. 20 December 2014. Retrieved 25 December 2014.
2. ↑ Sreelata Menon (2011). Guru Nanak: The Enlightened Master. Penguin Books India. p. 4. ISBN 978-0-14-333190-2.
3. ↑ Nigah, Manpreet (September 2007). An Assessment of Seechewal Initiative in the State of Punjab, India: An example of Community-based Conservation? (PDF). Winnipeg: University of Manitoba. p. 64. Retrieved 25 December 2014.
4. ↑ ^{4.0 4.1} "Quiet flows the Kali Bein, again". The Hindu. 24 April 2006. Retrieved 25 December 2014.
5. ↑ Mandeep Singh; Harvinder Kaur (1 January 2005). Punjab Today. Deep & Deep Publications. p. 60. ISBN 978-81-7629-702-8.
6. ↑ "District collector joins Seechewal in cleaning Chhoti Bein". Times of India. 2 August 2014. Retrieved 25 December 2014.
7. ↑ "Efforts to check pollution of Kali Bein". The Tribune. 19 November 2014. Archived from the original on 26 డిసెంబరు 2014. Retrieved 25 December 2014.
8. ↑ "Prayers dry up on lips as Kali Bein fails to rise at Sultanpur Lodhi". The Indian Express. 15 April 2011. Retrieved 25 December 2014.