అక్కితం అత్యుతన్ నంబూద్రి
పుట్టిన తేదీ, స్థలం	(1926-03-18) 1926 మార్చి 18 (వయసు 98) కుమారనెల్లూరు, పాలక్కాడ్
కలం పేరు	అక్కితం
వృత్తి	రచయిత, సామాస సేవకుడు
భాష	మలయాళం
జాతీయత	భారతీయుడు
గుర్తింపునిచ్చిన రచనలు	ఇరుపతం నూట్టాండితె ఇతిహాసం బలిదర్శనం ఇదింజు పోలింజ లోకం
పురస్కారాలు	1971 పద్య రచనలో కేరళ సాహిత్య అకాడమీ పురస్కారం 1973 ఒడక్కుఝల్ పురస్కారం 1973 కేంద్ర సాహిత్య అకాడమీ పురస్కారం 1994 ఆసన్ స్మారక కవితా పురస్కారం 1996 లలితాంబికా సాహిత్య పురస్కారం 1997 వల్లతోల్ పురస్కారం 2012 వాయలార్ పురస్కారం 2008 ఎఝుతాచన్ పురస్కారం 2017 పద్మశ్రీ 2019 జ్ఞానపీఠ్ పురస్కారం
జీవిత భాగస్వామి	శ్రీదేవి అంతర్జానం
సంతానం	2 కుమారులు, 4 కుమార్తెలు
బంధువులు	వాసుదేవ నంబూద్రి (తండ్రి) పార్వతీ అంతర్జానం (తల్లి) అక్కితం నారాయణన్ (సోదరుడు)

అక్కితం అచ్యుతన్ నంబూద్రి ( అక్కితం గా సుపరిచితుడు) (జ. 1926 మార్చి 18) భారతీయ కవి, మలయాళం భాషా రచయిత. సరళమైన, స్పష్టమైన రచనా శైలికి పేరుగాంచిన అక్కితం 2019 లో భారతదేశపు అత్యున్నత సాహిత్య గౌరవమైన జ్ఞానపీఠ్ పురస్కారం, ^[1] పద్మశ్రీ, ఎజుతాచన్ పురస్కారం, కేంద్ర సాహిత్య అకాడమీ అవార్డు, కవిత్వానికి కేరళ సాహిత్య అకాడమీ అవార్డు, ఒడక్కుజల్ అవార్డు, వల్లతోల్ అవార్డు, వయలార్ అవార్డు, ఆసన్ బహుమతులను పొందాడు.

అక్కితం అత్యుతన్ నంబూద్రి దక్షిణ భారతదేశ రాష్ట్రమైన కేరళలోని ^[2] పాలక్కాడ్ జిల్లా కు చెందిన కుమారనల్లూరు సమీపంలో ఉన్న అమేటిక్కర వద్ద 1926 మార్చి 18 న అమెత్తు అక్కితాత్తు మనాయిల్ వాసుదేవన్ నంబూద్రి, చెకూర్ మనాయక్కల్ పార్వతి అంతార్జానం దంపతులకు జన్మించాడు. ^[3] సంస్కృతం, జ్యోతిషశాస్త్రం, సంగీతంలో పాఠశాల విద్యనభ్యసించిన తరువాత అతను కళాశాల విద్యను చేసాడు. కాని గ్రాడ్యుయేట్ డిగ్రీ కోర్సును పూర్తి చేయలేదు. ^[4] అతను తన సామాజిక కార్యకలాపాలలో పాల్గొనేందుకు ఒక వేదికగా ఉన్ని నంబూతిరి పత్రికకు సంపాదకుడిగా తన వృత్తి జీవితాన్ని ప్రారంభించాడు. మంగళోదయం, యోగాక్షేమం పత్రికలలో అసిస్టెంట్ సంపాదకునిగా కూడా పనిచేశాడు. 1956 లో అతను ఆల్ ఇండియా రేడియో (AIR) కోజికోడ్ స్టేషన్‌లో చేరాడు. అక్కడ అతను 1975 వరకు పనిచేశాడు. తరువాత అతను AIR త్రిస్సూర్ స్టేషన్‌కు బదిలీ చేయబడ్డాడు. అతను వేదాల అధ్యయనాలను ప్రాచుర్యం పొందటానికి సాహితీ సేవ ఐన అనాడితో కూడా సంబంధం కలిగి ఉన్నాడు .

అక్కితం శ్రీదేవి అంతర్జనమ్ ను వివాహం చేసుకున్నాడు. ఈ దంపతులకు కుమారుడు నారాయణన్, కుమార్తె శ్రీజా ఉన్నారు. కుటుంబం అమేట్టిక్కరలో నివసిస్తుంది. భారతీయ చిత్రకారుడు అక్కితం నారాయణన్ అతని సోదరుడు. ^[5]

అక్కితం సాహిత్య రచనలు 1950 ప్రారంభంలో విస్తృత దృష్టిని ఆకర్షించడం ప్రారంభమైంది. ఇరుపతం నూట్టండింతె ఇతిహాసం (20 వ శతాబ్ద మహాకావ్యం), మలయాళ సాహిత్యంలో మొదటి ఆధునికతను పద్యాలు గల ఖండకావ్యం పుస్తకం 1952 లో సంజయన్ పురస్కారాన్ని గెలుచుకుంది. ^[6] కవితా సంకలనాలు, నాటకాలు, చిన్న కథలతో కూడిన 45 పుస్తకాలను అతమి ప్రచురించాడు. బలిదర్శనం , అరంగేట్టం, నిమిషా క్షేత్రం, ఇడింజు పోలింజ లోకం, అమృతఘాటికా, కలికోట్టిలిల్ అతని రచనలలో గుర్తించదగిన కవితా సంకలనాలు. ఉపనయనం, సమవర్తనం, వ్యాసాలు రెండు సంపుటాలు అతని గద్య రచనలలో ఉన్నాయి. శ్రీ మహాభగతం, 14,613 శ్లోకాలతో కూడిన శ్రీమద్ భాగవతం యొక్క అనువాదం 2,400 పేజీలకు పైగా ఉంది.

అక్కితం సామాజిక సంస్కరణ కార్యక్రమాలలో పాల్గొన్నాడు. అతనికి యోగక్షేమ సభ తో గల అనుబంధంతో కేరళ లోని నంభూద్రి బ్రాహ్మణుల జీవితాల్లో సంస్కరణలు తీసుకురావడానికి ప్రయత్నించడానికి సహాయపడింది. అతనికి కడవల్లూర్, త్రిసూర్ లలోని తిరునవయ కు సంబంధించిన వివిధ కేంద్రాలతో సంబంధం ఉంది. ఈ కేంద్రం ద్వారా వేద అధ్యయనాలను పోత్సహిస్తారు. 947 లో అంటరానితనానికి వ్యతిరేకంగా శాంతియుతంగా నిరసన వ్యక్తం చేసిన పాలియం సత్యాగ్రహంతో అతను పాల్గొన్నాడు. ^[6]

అక్కితం 1952 లో సంజయన్ పురస్కరాన్ని అతని రచన ఇరుపతం నూట్టండింటే ఇతిహాసం ^[6] కు పొందాడు. 1971 లో బలిదర్శనం రచనకు కవిత్వానికి అందించే కేరళ సాహిత్య అకాడమీ పురస్కారాన్ని అందుకున్నాడు . ^[7] అతను 1973 లో రెండు ప్రధాన గౌరవాలు పొందాడు. అవి బలిదర్శనం కొరకు సాహిత్య అకాడమీ అవార్డు,^[8] నిమిషా క్షేత్రానికి ఒడక్కుజల్ అవార్డు . ^[9] అతను 1994 లో అసన్ స్మారక కవితా పురస్కారానికి ఎంపికయ్యాడు. ^[10] రెండు సంవత్సరాల తరువాత 1996లో లలితాంబికా అంతర్జనమ్ స్మారక సాహిత్య అవార్డుకు, ^[11] తరువాత 1997 లో వల్లథోల్ అవార్డుకు ఎంపికయ్యాడు . ^[12]

అక్కితం కు 2012 లో వయలార్ పురస్కారం వచ్చింది. ^[13] కేరళ ప్రభుత్వం అతనికి 2016 లో వారి అత్యున్నత సాహిత్య పురస్కారం ఎజుతాచన్ పురస్కారాన్ని ప్రదానం చేసింది. ^{[14] [15] [16]} అతను 2017 లో భారత ప్రభుత్వానికి నాల్గవ అత్యున్నత పౌర పురస్కారం పద్మశ్రీని అందుకున్నాడు. ^{[17] [18]} అనారోగ్యం కారణంగా అతను ప్రతిష్టాత్మకమైన ఆ కార్యక్రమానికి హాజరు కాలేదు; ఈ పురస్కారాన్ని తరువాత పాలక్కాడ్ జిల్లా కలెక్టర్ అతనికి అందజేశాడు. ^[19] అతను 2019 లో అత్యున్నత భారతీయ సాహిత్య పురస్కారం అయిన జ్ఞాన్‌పిఠ్ పురస్కారాన్ని అందుకున్నాడు. ^[20] కృష్ణ గీధి పురస్కారం, నలప్పాడ్ అవార్డు, పుతేజాన్ అవార్డు, భారతీయ జ్ఞానపిఠ్ కు సంబంధించిన మూర్తి దేవి అవార్డు, అమృత కీర్తి పురస్కారం (2004) వంటి అనేక గౌరవాలు కూడా ఆయనకు దక్కాయి. అరికిల్ అక్కితం డాక్యుమెంటరీ చిత్రానికి ఇ. సురేష్ దర్శకత్వం వహించాడు. ఇది కవిగా అతని జీవితాన్ని తన కుమార్తె శ్రీజా దృక్పథంలో వివరిస్తుంది. ^[5]

• అక్కితం (1966). ఈ ఎదతి నోన్ పరయు (పిల్లల నాటకం). మాతృభూమి.
• అక్కితం (1977). అక్కితతింతె కుట్టిక్కవితకళ్.^{[permanent dead link]}

• శర్మ, సిఆర్; అక్కితం (1979). తెలుంకు కతకళ్. కొట్టాయం: నేషనల్ బుక్ స్టాల్.^{[permanent dead link]}
• శర్మ, సి.ఆర్; అక్కితం (2010). తెలుగు కథకళ్: ధనగుప్తనెన్న కచవదక్కరంటె అత్యార్థి (2nd ed.). కోజికోడ్: హరితన్ బుక్స్.^{[permanent dead link]}

• అక్కితం, ed. (1980). సంస్కృత మలయాళ నిఘంటు.^{[permanent dead link]}

• P. P. Raveendran (2002). Joseph Mundasseri. Sahitya Akademi. pp. 49–. ISBN 978-81-260-1535-1.
• "കൊന്നതാരെന്നു തർക്കം; ഇടിമുഴക്കം പോലെ ഉയരുന്നു ആ വരികൾ". ManoramaOnline. Retrieved 8 March 2019.
• P. P. Raveendran (2002). Joseph Mundasseri. Sahitya Akademi. pp. 49–. ISBN 978-81-260-1535-1.