1608 (MDCVIII) ஒரு செவ்வாய்க்கிழமையில் ஆரம்பமான ஒரு கிரிகோரியன் நெட்டாண்டு ஆகும், அல்லது 10-நாட்கள் பின்தங்கிய பழைய ஜூலியன் நாட்காட்டியில் வெள்ளிக்கிழமையில் ஆரம்பமான ஒரு நெட்டாண்டாகும்.

• சனவரி - வட அமெரிக்காவில் ஆங்கிலேயர்களின் முதலாவது குடியேற்றப் பகுதியான ஜேம்சுடவுனுக்கு கிறித்தோபர் நியூபோர்ட் மேலும் 100 புதிய கப்பலில் வந்திறங்கினார். அங்கு முதலில் வந்த 38 பேர் மட்டுமே உயிருடனிருப்பதைக் கண்டார்.
• சனவரி 7 - ஜேம்சுடவுனில் இடம்பெற்ற தீயினால் கோட்டையில் இருந்த அனைத்து வீடுகளும் எரிந்து சேதமடைந்தன. கோட்டை மார்ச் மாதத்தில் புதுப்பிக்கப்பட்டது.
• சனவரி 17 - எதியோப்பியப் பேரரசர் சுசேனியோசு ஒரோமோ இராணுவத்தினரைத் தோற்கடித்தார். 12,000 ஒரோமோக்கள் கொல்லப்பட்டனர்.
• சூலை 3 - கியூபெக் நகரம் நிறுவப்பட்டது.
• சூலை - ஆங்கிலேயக் கப்பல் மேரி அண்ட் மார்கரெட், கிறித்தோபர் நியூபோர்ட்டின் தலைமையில் இங்கிலாந்தில் இருந்து ஜேம்சுடவுன் நோக்கிப் புறப்படது.^[1]
• ஆகத்து 24 - இந்தியாவுக்கான முதலாவது ஆங்கிலேயப் பிரதிநிதி, காப்டன் வில்லியம் ஆக்கின்சு, சூரத்துவை அடைந்தார்.
• செப்டம்பர் 10 - ஜான் சிமித் ஜேம்சுடவுனின் பேரவைத் தலைவராகத் தேர்ந்தெடுக்கப்பட்டார்.
• அக்டோபர் 2 - டச்சு வில்லைத் தயாரிப்பாளர் ஆன்சு லிப்பர்சி முதலாவது தொலைநோக்கியை டச்சு நாடாளுமன்றத்தில் காட்சிப் படுத்தினார்.
• முதலாவது காசோலைகள் நெதர்லாந்தில் பயன்பாட்டுக்கு வந்தன.
• முதல் அஞ்சல் எழுதுபொருளான ஏகியூ கடிதத்தாள் வெனிசின் அடையாளச் சின்னம் வெளியிடப்பட்டது.

• டிசம்பர் 9 - ஜான் மில்டன், ஆங்கிலேயக் கவிஞர் (இ. 1674)