மாவுலிநாங் Mawlynnong
கிராமம்
நாடு	இந்தியா
மாநிலம்	மேகாலயா
மாவட்டம்	கிழக்கு காசி மலை மாவட்டம்
வட்டம்	பைனுர்ஸ்லா
நேர வலயம்	ஒசநே+5:30 (IST)

மாவுலின்னாங் என்னும் கிராமம், இந்திய மாநிலமான மேகாலயாவின் கிழக்கு காசி மலை மாவட்டத்தில் அமைந்துள்ளது.^[1] இங்கு வாழும் மக்கள் தாய்வழி சமூகத்தை பின்பற்றுகின்றனர்.^[2] இது ஆசியாவிலேயே சுத்தமான கிராமம் என்று அறியப்படுகிறது.^[3]

இது பைனுர்ஸ்லா வட்டாரத்துக்கும், சட்டமன்றத் தொகுதிக்கும் உட்பட்டது.^[4]

இது சில்லாங்கின் தெற்கில் 90 கி.மீ தொலைவில், இந்தியா-வங்காளதேசம் எல்லைக்கு அருகில் அமைந்துள்ளது.^[5]

இங்கு ஏறத்தாழ 500 மக்கள் வசிக்கின்றனர்.^[6]

2014ஆம் ஆண்டின் கணக்கெடுப்பின்படி, இங்கு 95 வீடுகள் உள்ளன.^[7] இங்கு வாழும் அனைவரும் கல்வி கற்றிருக்கின்றனர்.^[8] இங்கு வாழும் மக்களின் முக்கியத் தொழில் வேளாண்மை ஆகும். முக்கியப் பயிர் பாக்கு ஆகும்.^[8] இவர்கள் காசி இன மக்கள் ஆவர்.^[6]

காசி இன மக்கள், தங்கள் சொத்துக்களை கடைசி பெண்களுக்கே எழுதி வைப்பர். இங்கு தலைமுறையானது பெண்களை முன்னிறுத்தி இருக்கிறது. மகள்கள் தாயின் பெயரை தன் பெயருடன் சேர்த்து எழுதுவது வழக்கம்.^[9]

இந்த ஊர் தூய்மைக்கு பெயர் பெற்றது.^[10] இங்கு சேர்க்கப்படும் கழிவுகளை மூங்கில் கூடைகளில் சேகரித்து, குழிக்குள் போட்டு, உரமாக பயன்படுத்துகின்றனர். டிஸ்கவர் இந்தியா என்ற பயண இதழ், இந்த ஊரை ஆசியாவின் சுத்தமான கிராமம் என்று 2003ஆம் ஆண்டில் அறிவித்தது.^[8] The phrase has since caught on. Moasunep Kichu's documentary on the village, for instance, is called Asia's Cleanest Village.^[11]

இது சுற்றுலாத் தலமாகும். இங்கு வேர்களால் ஆன பழைமையான பாலம், சிறு முனையின் மீது சமன்பட்டு நிற்கும் பாறை ஆகியன உள்ளன. ஊர் முழுவதும் செடி,கொடி, மரங்களால் நிரம்பியுள்ளது. சுற்றுலாப் பயணிகள் தங்குவதற்கான குடில்கள் உள்ளன.

• மேகாலயாவின் சுற்றுலாத்தளத்தில் மாவுலின்னாங்கை பற்றி பரணிடப்பட்டது 2016-03-04 at the வந்தவழி இயந்திரம் (ஆங்கிலத்தில்)
• நித்தமும் சுத்தம்; மேகாலயாவின் சொர்க்க பூமி மாவுலிநாங்! - தினமலர்